Վրաստանի Հաշտեցման և քաղաքացիական հավասարության հարցերով պետնախարարի գրասենյակը Վրաստանի քաղաքացիական ծառայության բյուրոյի հետ համատեղ հայտարարում է «1+4» ծրագրի ուսանողների համար ստաժավորման ծրագիրը։
Ստաժավորման ծրագրի նպատակն է Վրաստանում ապրող էթնիկ փոքրամասնությունների ներկայացուցիչներին ծանոթացնել պետական հաստատություններում աշխատելու առանձնահատկություններին, զարգացնել նրանց մասնագիտական հմտությունները և, արդյունքում, նպաստել նրանց քաղաքացիական ինտեգրման գործընթացին ներգրավմանը:
Ծրագրի շրջանակներում ազգային փոքրամասնությունների ներկայացուցիչները հնարավորություն կունենան մրցութային հիմունքներով մասնակցել ստաժավորմանը։
Հատուկ ստեղծված հանձնաժողովն ապահովում է ստաժորների ընտրությունը՝ ըստ սահմանված գնահատման չափանիշների։ Հաջողակ թեկնածուները 1-ից 6 ամիս ժամկետով ստաժավորում կանցնեն պետական կառույցներում, տեղական ինքնակառավարման մարմիններում և հանրային իրավունքի իրավաբանական անձ հանդիսացող հիմնարկներում:
Թե որ պետական մարմիններն են մասնակցում ստաժավորման ծրագրին, կարող եք ծանոթանալ Պետական հաստատությունների ցանկում: Ստաժավորման ծրագրին մասնակցելու համար անհրաժեշտ է լրացնել հարցաթերթիկը մինչև ապրիլի 11-ը։
Հիշեցնենք, որ ստաժավորման ծրագիրն իրականացվում է 2017 թվականից՝ Վրաստանի Հաշտեցման և քաղաքացիական հավասարության հարցերով պետնախարարի գրասենյակի նախաձեռնությամբ։
