ՆԳՆ-ն թմրանյութերի հանցանքների համար ձերբակալել է ինը մարդու, այդ թվում՝ չորս թմրավաճառների, առգրավվել է առանձնապես խոշոր չափի թմրանյութ։ Տեղեկությունը տարածում է ՆԳՆ-ն։
«ՆԳՆ Կենտրոնական քրեական ոստիկանության վարչության թմրամիջոցների ապօրինի շրջանառության դեմ պայքարի գլխավոր բաժնի և Քվեմո Քարթլիի ոստիկանության Գարդաբանիի շրջանային բաժնի ծառայողները օպերատիվ-հետախուզական գործողությունների արդյունքում տարբեր ժամանակներում թմրանյութերի հանցագործության համար ձերբակալել են ինը անձի։
Հանցագործությունները ենթադրում են 8-ից 20 տարվա կամ ցմահ ազատազրկում:
Ոստիկանությունը թմրավաճառներին հայտնաբերելու նպատակով, դատավորի որոշման հիման վրա, իրականացրել է «բուպրենորֆին», «հերոին» և «մարիխուանա» թմրամիջոցների ձեռքբերման և դրանց գաղտնի աուդիո-վիդեո ձայնագրությունների մի քանի փուլ։ Որպես ապացույց առգրավվել է ենթադրաբար թմրամիջոցների իրացումից ստացված գումարը։
Ապօրինի կերպով մեծ քանակությամբ թմրամիջոց ձեռք բերելու և պահելու համար ձերբակալվածների տունը և անձնական իրերը խուզարկելիս առգրավվել է մեկ կիլոգրամ հերոին, վեց ամպուլա մորֆին, հինգ տուփ հերոին, մեթադոն հեղուկ պարունակող հինգ տարա, 300 թիթեղ «Լիզերգիդ» (LSD) թմրամիջոց, մինչև հինգ կիլոգրամ մարիխուանա, ամֆետամին թմրանյութ, ինչպես նաև 35 գրամ պսիլոցին պարունակող թմրամիջոց», – հայտարարում են ՆԳՆ-ում:
Գերատեսչության տվյալներով՝ հետաքննությունը շարունակվում է Վրաստանի քրեական օրենսգրքի 260-րդ հոդվածի 6-րդ և 7-րդ մասերի «Ա» ենթակետով, 265-րդ հոդվածի 3-րդ մասի «Ա» ենթակետով և 273-րդ հոդվածի 6-րդ մասով:
