Այսօր՝ հունվարի 17-ին, Ախալքալաքի Հանրային առողջապահության կենտրոնում (ՀԱԿ) հայտնաբերվել է կորոնավիրուսի 8 դեպք։
Ախալքալաքի Հանրային առողջապահության կենտրոնում (ՀԱԿ) անցկացվել է կորոնավիրուսի 338 թեստ, որից 295-ը՝ հակագենի, իսկ 43֊ը՝ PCR։
Ախալքալաքի մունիցիպալիտետում 281 մարդ գտնվում է ինքնամեկուսացման մեջ։
Մինչ դասերի վերսկսումը Ախալքալաքի շրջանի դպրոցների ուսուցիչները Հանրային առողջապահության կենտրոնում կորոնավիրուսի թեստ էին հանձնել։ Թեստավորման արդյունքում կորոնավիրուս հայտնաբերվել է միայն Բեժանո գյուղի մեկ ուսուցչի մոտ, իսկ Հոկամ գյուղից մեկ ուսուցչի մոտ թեստը, ըստ Հանրային առողջապահության կենտրոնի, կասկածելի է եղել։ Այսօր երկրորդ նմուշառումից հետո այդ ուսուցչի մոտ կորոնավիրուսն ախտորոշվել է։
