Սոցիալ-տնտեսական իրավունքների պաշտպանության կենտրոնն իրականացնում է «Էթնիկ փոքրամասնությունների սոցիալ-տնտեսական իրավունքների խթանում» ծրագիրը, որի նպատակն է ամրապնդել էթնիկ փոքրամասնությունների սոցիալ-տնտեսական իրավունքները Ախալքալաքի, Նինոծմինդայի, Մառնեուլիի և Գարդաբանիի մունիցիպալիտետներում, ինչպես նաև Վրաստանի օկուպացված տարածքներում՝ Աբխազիայում և Հարավային Օսիայում։
Ախալքալաքում ծրագիրն իրականացվում է «Բազմազգ Վրաստան» և «Ապագայի կորպուս» կազմակերպությունների օգնությամբ։ Ծրագրի շրջանակներում նախատեսվում է բնակչությանը տրամադրել տեղեկատվություն դրամաշնորհային ծրագրերի մասին, օգնել ծրագրի նախագծման և ներկայացման հարցում, ինչպես նաև անվճար իրավաբանական խորհրդատվություն տրամադրել տարբեր ոչ դրամաշնորհային հարցերում։
«Մենք աշխատում ենք երեք ուղղությամբ.
ասում է Ախալքալաքում ծրագրի համակարգող Վաղարշակ Շախբեկյանը։
Ըստ «Բազմազգ Վրաստանի» Ախալքալաքի գրասենյակի ներկայացուցիչ Վաղարշակ Շախբեկյանի՝ իրենք կփորձեն դրամաշնորհների մասին տեղեկատվություն տրամադրել բոլոր հասանելի միջոցներով՝ գյուղերի բնակչության հետ հանդիպումների, տեղական լրատվամիջոցների օգնությամբ, տեսաերիզների և ձայնագրությունների, ինչպես նաև կազմակերպության կայքի http://serec.ge/ միջոցով:
«Եթե, օրինակ, նոր դրամաշնորհային մրցույթ լինի, ապա դրա մասին ձայնագրություն կանենք, երթուղայինների վարորդներին կտանք, որ միացնեն, ուղեւորները տեղեկություն ստանան»,- ասում է Վաղարշակ Շախբեկյանը։
Նրա խոսքով, ծրագրի միջոցով հնարավոր կլինի տեղեկատվություն ստանալ և մասնակցել մի շարք դրամաշնորհային ծրագրերի` սկսած Գյուղատնտեսության և էկոնոմիկայի նախարարության հայտարարած մրցույթներից մինչև միջազգային կազմակերպությունների, հիմնադրամների, ENPARD 3, ENPARD 4 մրցույթները:
Ախալքալաքում դրամաշնորհային ծրագրերի իրականացման հետ կապված հիմնական խնդիրը, ըստ Վաղարշակի, այն է, որ դիմողները միշտ չէ, որ կազմում են նախագիծը դոնորի պահանջով և հաճախ չեն համապատասխանում պայմաններին. օրինակ՝ նրանք չեն համապատասխանում տարածքների, էլեկտրաէներգիայի չափանիշներին, օդափոխության և այլն պայմաններին։
Ինչ վերաբերում է Գուրգեն Եզոյանի կողմից տրամադրվող անվճար իրավաբանական խորհրդատվությանը, ապա այդ կետը կներառի.
«Ինչպես գիտենք, մեր շրջաններում կան մի շարք խնդիրներ՝ կապված լեզվական արգելքի հետ և ոչ միայն։ Բազմաթիվ խնդիրներ կան, որոնք առաջանում են մարդու և օրգանների ներկայացուցչի շփման տարրական դժվարությունների պատճառով։ Ամենաակնառու խնդիրները, որ մենք ունենք, քաղաքացիության հետ կապված գույքի գրանցման հետ կապված խնդիրներն են՝ քաղաքացիության մասին օրենքում ներդրված բոլոր նորամուծությունները, ժամանակին և ամբողջական տեղեկատվություն։ Այս մասով կարող եմ տրամադրել ամբողջական իրավական տեղեկատվություն, կազմել դիմում և ներկայացնել»,- մեկնաբանում է կազմակերպության իրավաբան Գուրգեն Եզոյանը։
Փաստաբանի խոսքով՝ «Բազմազգ Վրաստան» կազմակերպությունը տարիներ շարունակ համագործակցում է Եվրամիության հետ՝ էթնիկ փոքրամասնությունների սոցիալ-տնտեսական իրավունքների զարգացման գործում։ Կազմակերպության գործունեությունն ընդգրկում է ողջ Վրաստանը և ոչ միայն Ջավախքը։ Նրա խոսքով, «Բազմազգ Վրաստանը» լուրջ նպատակներ ունի էթնիկ փոքրամասնությունների իրավունքների պաշտպանության ոլորտում։
