«Համաճարակի պատճառով այս տարի նույնպես Թբիլիսոբա տոնական միջոցառումները չեն անցկացվի», – ասել է Թբիլիսիի քաղաքապետ Կախա Կալաձեն քաղաքի կառավարության այսօրվա նիստում:
Նրա խոսքով, ներկա իրավիճակում ամենակարևորը մարդկանց առողջությունն ու անվտանգությունն է:
«Հոկտեմբերի սկզբին միշտ պետական տոնակատարություն է անցկացվում, որը շատ է գեղեցկացնում այս քաղաքը: Ցավոք, անցած տարի հնարավոր չեղավ «Թբիլիսոբա» տոնը կազմակերպել: Համաճարակի պատճառով, այս տարի մենք նույն խնդիրն ունենք: Մինչև հիմա պայքարում ենք անտեսանելի թշնամու՝ կորոնավիրուսի դեմ: Համապատասխանաբար, ամենագլխավորը դա մարդու կյանքն ու առողջությունն է: Այդ պատճառով մենք այս տարի չենք կարողանա տոնական միջոցառումներ անցկացնել», – ասել է Կախա Կալաձեն:
Նրա խոսքով, «Թբիլիսոբային» նվիրված համերգը և Թբիլիսիի պատվավոր քաղաքացիների պարգևատրման արարողությունը կհեռարձակվի ուղիղ եթերով: