Ախալքալաքի շրջանի Խանդո գյուղում մահացել է Աշոտ Ալագուլյանը: Նա երկրորդ համաշխարհային պատերազմի վերջին վետերանն էր Ախալքալաքի շրջանում:
Երկուսուկես տարի է նա անկողնուն էր գամված, ոտքի չէր կարողանում կանգնել վերջույթների կոտրվածքի պատճառով: Նրան խնամում էր դուստրը՝ Ալվարդը:
Աշոտ Ալագուլյանը 98 տարեկան էր: Նա բանակ է գնացել 16 տարեկանում: Նրա խոսքով՝ ինքը զորակոչվել է եղբոր փոխարեն, 1942 թվականին: Նա ծառայել է Թամանյան 89-րդ հրաձգային դիվիզիայում:
Աշոտ Ալագուլյանը վեց երեխա ունի, երկու որդի, չորս դուստր և 17 թոռ:
Jnews-ը հոդված էր պատրաստել վետերանի մասին Երկրորդ համաշխարհային պատերազմում տարած հաղթանակի 76-րդ տարեդարձին ընդառաջ՝ 2021 թվականի մայիսի 7-ին:
Նյութը կարող եք կարդալ ներքևում՝
Երկրորդ համաշխարհային պատերազմի վետերաններից վերջինը
