Ախալքալաք քաղաքը նախկին զինվորական ավանի և Ջիվանու թաղամասի հետ կապող հետիոտնային կամուրջը բաց է հետիոտների համար, սակայն վերականգնողական աշխատանքները դեռ ավարտված չեն: Ներկարարական աշխատանքներն ընթացքի մեջ են:
Զինվորական ավանի հետիոտնային կամուրջը սեպտեմբերի 17 -ից բաց է հետիոտների համար: Միաժամանակ աշխատանքներ են տարվում կամուրջով անցնող ջրատարը ներկելու ուղղությամբ, այնուհետեւ երկաթե ծածկույթը կներկվի մոխրագույն:
«Վաղը կամ մյուս օրը կավարտենք, ընթանում են մաքրման աշխատանքներ, մենք արդեն ներկում ենք ջրագիծը, կավարտենք, կսկսենք ծածկույթը ներկել», – ասաց «Գաբիոնի 2000» ՍՊԸ շինարարական ընկերության տնօրեն Վախթանգ Սուրմանիձեն:
Հանձնաժողովը դեռ չի վերանայել «Գաբիոնի 2000» ՍՊԸ ընկերության աշխատանքը, սակայն կամրջից օգտվող բնակչության կարծիքները տարբեր են:
«Ես տեսել եմ աշխատանքը, բայց իմ գնահատականը դեռ վերջնական չէ, մինչդեռ չընդունենք այն, մինչև հանձնաժողովը չգնահատի աշխատանքը, մասնագետները չգնահատեն աշխատանքը, մենք չենք ընդունի: Իր ժամանակին մենք նշեցինք թերությունները և ասացինք, որ մենք աշխատանքը չենք ընդունի թերություններով», – Jnews- ի հետ զրույցում ասաց Ախալքալաքի քաղաքապետ Յուրիկ Ունանյանը:
Հետիոտնային կամուրջը վերականգնման նպատակով փակվել էր հունիս ամսին, վերանորոգումն իրականացնում է «Գաբիոնի 2000» ՍՊԸ ընկերությունը՝ 171 610 լարիի չափով:
