Առողջապահության համաշխարային կազմակերպությունը (ԱՀԿ) կոչ է անում դիմակներ կրել: Պատվաստումները պաշտպանում են կորոնավիրուսային վարակի ծանր ընթացքից, բայց չեն կանխում վարակը, ուստի պետք է պահպանվի դիմակ կրելու ռեժիմը, երեկ ՏԱՍՍ-ին ասել է Ռուսաստանի Դաշնությունում ԱՀԿ ներկայացուցիչ Մելիտա Վուժնովիչը:
«Ամենակարևորը՝ պետք է հասկանալ՝ պատվաստանյութը կանխում է ծանր հիվանդացությունը և մահը: Այժմ ոչ մի պատվաստանյութ, ցավոք, չի կարող կանխել վարակը», – ասել է նա՝ հավելելով․ – «Այդ պատճառով մենք խորհուրդ ենք տալիս դիմակ կրել և պահպանել սոցիալական հեռավորություն»: