Լրագրողական գործունեության համար լրատվամիջոցների ներկայացուցիչների նկատմամբ հետապնդումների և բռնությունների փաստերի վերաբերյալ դատախազությունը մեղադրանք է առաջադրել ևս 5 անձի: Այս մասին «ԻնտերպրեսՆյուզ»-ին հայտնել են Վրաստանի գլխավոր դատախազությունից: Ինչպես նշված է տեղեկատվության մեջ, մեղադրյալները, որպեսզի խոչընդոտեին «Mtavari Arkhi»-ի, «TV Pirveli»-ի և «Palitranews»-ի ներկայացուցիչների մասնագիտական գործունեությանը՝ ֆիզիկական և բառացի բռնության գործադրմամբ նրանց հարկադրել են դադարեցնել իրենց մասնագիտական գործունեությունը:
Իրավապահները բերման են ենթարկել Ա.Ն.-ին, Թ.Դ.-ին, Ի.Կ.-ին, Թ.Խ.-ին: 2021-ի հուլիսի 5-ին և 7-ին Ա.Ն.-ին, Թ.Դ.-ին, Ի.Կ.-ին, Թ.Խ.-ին մեղադրանքը ներկայացրել են 154-րդ հոդվածի երկրորդ մասով (բռնության սպառնալիքով լրագրողների մասնագիտական գործունեության անօրինական խոչընդոտում), 156-րդ հոդվածի մասի 2-րդ «ա» ենթակետի (քրեական հետապնդում՝ բռնություն գործադրելով կատարված մասնագիտական գործունեություն) և Վրաստանի քրեական օրենսգրքի 225-րդ հոդվածի (խմբային բռնությանը մասնակցելը) համաձայն, որը ենթադրում է ազատազրկում 4-ից 6 տարի ժամկետով: Ի.Կ.-ին մեղադրանքը ներկայացվել է 154-րդ հոդվածի 2-րդ մասի հատկանիշներով (բռնության սպառնալիքով լրագրողների մասնագիտական գործունեությանն անօրինական խոչընդոտում), 156-րդ հոդվածի 2-րդ մասի «ա» ենթակետի (քրեական հետապնդում՝ բռնություն գործադրելով մասնագիտական գործունեության առթիվ), որը ենթադրում է ազատազրկում՝ մինչև 3 տարի ժամկետով:
Հուլիսի 5-ին և 6-ին «Թբիլիսիի փրայդի» դեմ իրականացված ակցիաների գործի քննության շրջանակներում մեղադրանք է առաջադրվել 8 անձի:
Այս փուլում տուժածի կարգավիճակ է ստացել 25 անձ, այդ թվում՝ 19 լրագրող և օպերատոր:
ՆԳՆ-ն շարունակում է ակտիվ քննչական գործողությունները՝ բռնության գործողություններում ներգրավված այլ անձանց բացահայտելու և իրավախախտումների փաստերը, ինչպես նաև կազմակերպիչներին բացահայտելու նպատակով:
Այս փուլում տուժածի կարգավիճակ է ստացել 23 անձ, այդ թվում՝ 17 լրագրող և օպերատոր:
«Մեկ անգամ ևս շեշտում ենք, որ լրագրողների նկատմամբ բռնությունները և նրանց հետապնդումները կտրականապես անընդունելի են: Տուժածների օրինական շահերը պաշտպանելու համար, դատախազությունը կձեռնարկի Վրաստանի օրենսդրությամբ նախատեսված բոլոր անհրաժեշտ գործողությունները», – ասվում է դատախազության տեղեկատվության մեջ:
