Վրաստանի ՆԳՆ Թբիլիսիի ոստիկանության վարչության աշխատակիցները բերման են ենթարկել ևս 4 անձի՝ բռնության սպառնալիքով լրագրողների մասնագիտական գործունեությանն ապօրինի խոչընդոտելու, բռնության գործադրմամբ՝ հետապնդման և սպառնալիքի, ինչպես նաև խմբակային բռնության մեղադրանքով:
Ձերբակալված քաղաքացիներն են՝ 1983 թ. ծնված Ա.Ն.-ն, 1999 թ. ծնված Թ.Դ.-ն, 1986 թ. ծնված Ի.Կ.-ն և 1996 թ. ծնված Թ.Խ.-ն: Ըստ նախարարության, հետաքննությունը պարզել է, որ այս տարվա հուլիսի 5-ին Ռուսթավելիի պողոտայում «Tbilisi Pride»-ի դեմ ցույցի ժամանակ ձերբակալված Ա.Ն.-ն և Թ.Դ.-ն Ինգորոկղվա փողոցում գտնվող «Ամոթ է» շարժման գրասենյակում ֆիզիկական և բառացի վիրավորանքի են ենթարկվել իրենց մասնագիտական գործունեությունն իրականացնող «TV 1» հեռուստաընկերության լրագրողը և օպերատորը:
Ձերբակալված Ի.Կ.-ն եւ Թ.Խ.-ն Ռուսթավելիի պողոտայում՝ խորհրդարանի հարևանությամբ, «Մթավարի արխի» հեռուստաընկերության օպերատորին իր աշխատանքային պարտականությունները կատարելիս ֆիզիկական և բանավոր վիրավորանքներ են հասցրել:
Հետաքննությունն իրականացվում է Վրաստանի ՔՕ 154-րդ հոդվածի, 156-րդ հոդվածի 2-րդ մասի «ա» ենթակետի և 225-րդ հոդվածի 2-րդ մասի համաձայն:
«Այս պահին, ընթացիկ հետաքննության շրջանակներում, բերման է ենթարկվել 7 անձ: Ինտենսիվ քննչական և որոնողական գործողությունները շարունակվում են», – ասվում է տեղեկատվության մեջ:
