Վրաստանի մշակույթի, սպորտի և երիտասարդության նախարար Թեա Ծուլուկիանին անվանել է 12 գերակա ուղղությունները, որոնք նախարարությունը կֆինանսավորի «Մշակույթի զարգացման ծրագրի» շրջանակներում:
Նախարարի կողմից առանձնացված ոլորտներից են՝ վրաց գրականության և գրքի խթանումը, վրացական թատրոնի և թատերական արվեստի զարգացումը, Վրաստանում մասնագիտական երաժշտական արվեստի զարգացումը:
Կառավարությունը նաև կաջակցի վրացական կինոյին, տեսողական և ժամանակակից արվեստի զարգացմանը, կխրախուսի գեղարվեստական կրթությունը, վրացական բանահյուսության ժողովրդականացումը, մշակույթի մատչելիությունը, կարևոր մշակութային և փառատոնային միջոցառումների անցկացումը, նորարարական և ազատ նախագծերի իրականացումը, հետազոտական գործունեության խթանումը և կորոնավիրուսային համավարակի կողմից պատճառված վնասի նվազեցումը:
Այսօրվանից նախարարությունը կսկսի ընդունել առաջնահերթ խմբերի ֆինանսավորման հայտերը:
