Երեկվանից սկսվել են Ախալքալաք քաղաքի վնասված ճանապարհների վերանորոգման աշխատանքները։ Աշխատանքները սկսել են քաղաքի «վստրեչա» կոչվող հատվածից։
Թե՛ քաղաքում, թե՛ քաղաքից դուրս ճանապարհների վիճակը անմխիթար է, ամեն քայլափոխի կարելի է հանդիպել մեծ և անանցանելի փոսերի։ Այս հարցը երկար ժամանակ է անհագստացնում ինչպես հետիոտնին, այնպես էլ վարորդներին։
«Արդեն սկսել ենք ճանապարհի վերանորգման աշխատանքները, այն իրականացնում է «ՋավախԱվտոԳզա» ընկերությունը: Մենք հիմա սկսում ենք հանել վնասված տեղերը, որից հետո էլ կլցնենք նոր ասֆալտը։ Կոնկրետ տարածք չկա, քաղաքի մեջ պետք է վերանորոգենք բոլոր վնասված ճանապարհները։ Այս գործողությունը կատարում է քաղաքապետարանը», — ասում աշխատանքները վերահսկող Պավլիկ Եփրիկյանը։
Քաղաքապետը հույս է հայտնում, որ աշխատանքները կավարտվեն մոտավոր 10 օրերի ընթացքում։
«Այս նորոգումը մտնում է փոսային աշխատանքների մեջ, մեր տեղական բյուջեյուվ է նախատեսված, քաղաքի փողոցների բոլոր վնսաված մասերը պետք է վերանորոգվի։ Հույս ունենք մոտ 10 օրվա կավարտվեն աշխատանքները», — նշում է Ախալքալաքի քաղաքապետ Յուրիկ Ունանյանը։
Հարկ է նշել, որ Ախալքալաքի ներքաղաքային ճանապարհների փոսային աշխատանքներն իրականացնելու համար տեղական բյուջեից այս տարի 230 000 լարի է հատկացվել։
