Բռնցքամարտի Վրաստանի առաջնությունից Վանուհի Մանասյանը և Արտյուշ Գոմցյանը վերադարձել են չեմպիոնական տիտղոսով։

Մայիսի 5-ից 9-ը Թբիլիսիում անցկացվել է երիտասարդ և մեծահասակ բռնցքամարտիկների Վրաստանի բռնցքամարտի առաջնությունը, որին Ախալքալաքի մարզահամալիրի սաներից մասնակցել են 6 մարզիկ:

60 կգ քաշային կարգում Վանուհի Մանասյանը զբաղեցրել է 1-ին հորիզոնական: Նա նվաճել է Վրաստանի չեմպիոնի տիտղոսը, և, ստացել Եվրոպայի և Աշխարհի առաջնություններին մասնակցելու հնարավորություն։

Ախալքալաքից 57 կգ քաշային կարգում Արտյուշ Գոմցյանը նույնպես զբաղեցրել է 1-ին հորիզոնական, դառնալով Վրաստանի քառակի չեմպիոն: Նա ևս Եվրոպայի և Աշխարհի առաջնություններին մասնակցելու իրավունք է ստացել։

Իսկ 56 կգ քաշային կարգում Արամ Խռիկյան զբաղեցրել է 2-րդ հորիզոնական։

chempion

75 կգ քաշային կարգում Արշակ Էլիզբարյանն առաջին մենամարտում հաղթելուց հետո վնասվածքի պատճառով եզրափակիչ մենամարտի ժամանակ ռինգ դուրս չի եկել, և բավարարվել է 3-րդ հորիզոնականով։

Առաջնությանը մասնակցել են նաև 81 կգ քաշային կարգում Ալիկ Կուրղինյանն ու 64 կգ քաշային կարգում Դիմա Եփրիկյանը։ Նրանք մրցանակային տեղեր չեն զբաղեցրել:

Հաղթանակները վկայում են մեր երիտասարդների ֆիզիկական բարձր պատրաստվածության մասին, որում մեծ ավանդ ունեն մարզիչները։

Չեմպիոներ Վանուհի Մանասյանի և Արտյուշ Գոմցյանի մարզիչն է Վրաստանի վաստակավոր մարզիչ Ատոմ Էլիզբարյանը, նա նաև մարզում է Ալիկ Կուրղինյանին և Արշակ Էլիզբարյանին։ Արամ Խռիկյանի մարզիչն է Վրաստանի վաստակավոր մարզիչ Գագիկ Էլիզբարյանը, իսկ Դիմա Եփրիկյանը մարզվում է Արթուր Էլիզբարյանի մոտ։

Նշենք, որ 91 կգ քաշային կարգում Վրաստանի չեմպիոն Արտյոմ Յորդանյանը, չնայած նրան, որ վնասվածքի պատճառով չի մասնակցել մրցաշարին, այնուամենայնիվ, մնում է Վրաստանի չեմպիոն:

Վարդուհի Կուրղինյան