Վրաստանի կառավարության որոշման համաձայն՝ ֆաշիզմի դեմ տարած հաղթանակի 76-րդ տարեդարձի կապակցությամբ Երկրորդ համաշխարհային պատերազմի մասնակիցները կստանան միանվագ սոցիալական օգնություն՝ 1000 լարիի (գրեթե 300 ԱՄՆ դոլար) չափով: Օգնությունը կտրվի նաև պատերազմում զոհվածների ընտանիքների անդամներին՝ նրանք կստանան յուրաքանչյուրը 500 լարի (մոտ 150 ԱՄՆ դոլար):
Ավելի վաղ հայտնի էր դարձել, որ այս տարի Հաղթանակի օրվա առթիվ մայիսի 9-ի ոգեկոչման միջոցառումները կանցկացվեն ոչ թե ավանդական վայրում` Վակեի զբոսայգում, որտեղ շարունակվում են վերականգնողական աշխատանքները, այլ Վետերանների մշակույթի և հանգստի պուրակում (այսպես կոչված Կիկվիձեի զբոսայգի):