Ենթակառուցվածքային աշխատանքների շրջանակներում Ախալքալաքի մունիցիպալիտետում տեղական բյուջեից հատկացված միջոցներով կվերականգնվեն Ախալքալաք քաղաքի փողոցների 4 ճանապարհահատված և գյուղական ճանապարհներ: Վերականգնման համար հատկացված գումարը 598 965 լարի է:
Ախալքալաքի մունիցիպալիտետում երեք փողոցի ճանապարհահատվածների ասֆալտապատման տենդերը հայտարարվել էր ապրիլի 29-ին: Գումարը հատկացվել է տեղական բյուջեից և կազմում է 326 045 լարի:
Վերանորոգվում են փողոցների հետևյալ հատվածները.
1. Աղմաշենեբելիի նրբանցք՝ 32 690 լարի,
2. Վաչիանի մայրուղի 512՝ 189 214 լարի,
3. Աղմաշենեբելի №7՝ 104 140 լարի:
Տենդերն արդեն հայտարարված է, հայտերն ընդունվում են մինչեւ մայիսի 25-ը:
Քաղաքի մի ճանապարհահատվածի ասֆալտապատման և գյուղերի ճանապարհների ասֆալտապատման ընկերությունն ընտրելու համար Ապրիլի 13-ին հայտարարվել է տենդեր:
Քաղաքում գտնվող հատվածը Ազատության փողոցն (ԱԳԼՃԿ-ի մոտ) է՝ 42 920 լարի:
Գյուղական ճանապարհների վերանորոգումը՝ 230 000 լարի:
Աշխատանքները, ամենայն հավանականությամբ, կսկսվեն մեկ ամսից:
