Այսօր՝ ապրիլի 26-ին, Էխտիլա գյուղում ուժեղ քամին պոկել է 2-3 տան տանիք՝ վնասելով գազատարն ու էլեկտրական լարերը: Միջադեպի արդյունքում ոչ ոք չի տուժել:
Ուժեղ քամին քշել է Էխտիլա գյուղի 2-3 տների ալյումինե տանիքները: Տանիքները շպրտվել են մոտ 50-60 մետր հեռավորության վրա: Ինչպես ասում են տանտերերը, գազատարը նույնպես վնասվել է, կա գազի արտահոսք:
Ինչպես մեզ ասաց գյուղի լիազորը, այս պահին տանիքի պոկման 2-3 դեպքի մասին է հայտնի, նաև անջատված են գազն ու էլեկտրականությունը:
Քաղաքապետարանից հայտնեցին, որ իրենց աշխատողները շրջելու են գյուղով՝ արձանագրելու ուժեղ քամու հասցրած վնասը:
Ուժեղ քամին տապալել է նաև էլեկտրական սյուները Կոթելիա գյուղում:
