Այսօր Ախալքալքում շաբաթօրյակ է, այն հայտարավել էր ամբողջ Վրաստանում, կապված «Երկրի օրվա» հետ։

Շաբաթօրյակին մասնակցել են Ախալքալաքի տարբեր կազմակերպությունների աշխատակիցներ։ Ախալքալաքի սպասարկման կենտրոնի տնօրեն Արմեն Բիչախչյանն ասաց. «Շաբաթօրյակը սկսվել է առավոտ շուտ, մեր սպասարկման կենտրոնը առավոտյան մշտական գրաֆիկով սկսել է աշխատանքները, այնուհետև շարունակել են շաբաթօրյակի աշխատանքները։ Իսկ մյուս կազմակերպություններն էլ քաղաքի տարբեր վայրերն են մաքրել։ Գյուղերից դեռ միայն Թոթխամից ենք ստացել զանգ»:

Բիչախչյանը սպասրակման կենտրոնի կատարած աշխատանքից գոհ է։

Հարկ է նշել, որ ապրիլի 22-ը «Երկրի օրն» է: Այսօր այն հոբելյանական է՝ նշվում է 50-րդ անգամ, սակայն կորոնավարակը այս անգամ չթողեց ազատ և հանգիստ նշել մոլորակի օրը, վարակը մտել է Երկրի յուրաքանչյուր անկյուն՝ խլելով տասնյակ հազարավոր մարդկանց կյանք:

«Երկրի օրն» առաջին անգամ նշվել է կես դար առաջ՝ 1970 թվականի ապրիլի 22-ին, երբ միլիոնավոր ամերիկացիներ դուրս եկան փողոցներ՝ աջակցություն հայտնելով բնապահպանական շարժումներին և պահանջելով մաքուր Երկրագունդ: