Նինոծմինդայի մունիցիպալիտետում 2021 թվականին փողոցների ասֆալտապատման ծրագիրը շարունակվում է: 2840 մ ընդհանուր երկարությամբ, քաղաքի 9 փողոցների ասֆալտապատման աշխատանքների համար արդեն հայտարարվել է էլեկտրոնային մրցույթ:

Նինոծմինդայի մունիցիպալիտետը 2021 թվականին շարունակում է քաղաքի փողոցների ասֆալտապատման ծրագիրը: 9 փողոցների որոշ հատվածների ասֆալտապատման մրցույթը հայտարարվել է 2021 թվականի հունվարի 1-ին: Հայտերն ընդունելու վերջնաժամկետը հունվարի 28-ն է: Այս աշխատանքների իրականացման համար Նինոծմինդայի մունիցիպալիտետը հատկացրել է 1 330 584 լարի: Քաղաքի փողոցները կասֆալտապատվեն փուլերով

Այս տարի կասֆալտապատվեն հետևյալ փողոցները.

Սայաթ Նովայի փողոց՝ 580 մ,
Այվազովսկու փողոց՝ 320 մ,
Իսակովի փողոց՝ 330 մ,
Մյասնիկյան փողոց՝ 269 մ,
Գագարինի փողոց՝ 600 մ,
Միքելաձե փողոց՝ 220 մ,
Բարաթաշվիլու փողոց՝ 117 մ,
Գինոսյանի փողոց՝ 228 մ,
Ջիվանու փողոց ՝ 176 մ:

Նինոծմինդայի մունիցիպալիտետում 2020 թ.-ին փողոցների ասֆալտապատման վրա ծախսվել է 844 260 լարի, ընդհանուր առմամբ ասֆալտապատվել է քաղաքի փողոցների 10 հատված՝ Դավիթ Աղմաշենեբելիի փողոցի մայթերը, Ազատության, Պուշկինի, Բաղրամյանի և Դերժինսկու անվան փողոցների ճանապարհահատվածները:

Նինոծմինդայում անցյալ տարի ասֆալտապատվել է նաև գյուղական որոշ ճանապարհներ: Նշենք, որ այս ծրագիրը շարունակվում է նաև այս տարի: