Այսօր վաղ առավոտյան Մոսկվայում 85 տարեկան հասակում մահացել է ԽՍՀՄ ժողովրդական արտիստ Արմեն Ջիգարխանյանը: Այդ մասին հաղորդում են ռուսական ԶԼՄ-ները՝ վկայակոչելով դերասանի անունը կրող թատրոնի պաշտոնական ներկայացուցչին:

Վերջին տարիներին Արմեն Ջիգարխանյանը պարբերաբար առողջական խնդիրներ էր ունենում, 2018 թվականին հոսպիտալացվել էր սրտի կաթվածով:

Արմեն Ջիգարխանյանը ծնվել էր 1935 թվականի հոկտեմբերի 3-ին Երևանում։ Իր կարիերայի ընթացքում նկարահանվել է 100-ից ավել ֆիլմերում, խաղացել բազմաթիվ ներկայացումներում։ 1985 թվականին արժանացել է Խորհրդային Միության ժողովրդական արտիստի կոչման։