Ռուսաստանի և Վրաստանի միջև ցամաքային սահմանը կբացվի ոչ շուտ, քան սեպտեմբեր ամիսը, «Իզվեստիային» ասել է Ռուսաստանի Դաշնության հետ հարաբերությունների Վրաստանի վարչապետի հատուկ ներկայացուցիչ Զուրաբ Աբաշիձեն:
Ըստ նրա, երկու երկրները դեռ չեն սկսել բանակցել այս հարցի շուրջ:
«Հենց համավարակը թուլանա, երկրները կանցնեն սահմանների բացման քննարկմանը և ուղևորափոխադրումների վերսկսմանը»,- ասել է Աբաշիձեն:
Ավելի վաղ Աբաշիձեն հայտարարել էր, որ Վրաստանը հույս ունի, որ օգոստոսին կբացի Ռուսաստանի հետ ցամաքային սահմանը Կազբեգի-Վերին Լարս անցակետում: Սա վրաց-ռուսական սահմանի միակ անցակետն է: Այն փակվել է մարտի 16-ին՝ կորոնավիրուսի պատճառով:
