Վրաստանում կորոնավիրուսից ևս մեկ պացիենտ է մահացել: Այս մասին հայտարարել է Համալսարանական կլինիկայի ղեկավար Լևան Ռատիանին: Նրա խոսքով մահացածը 81 ամյա կին է: Նրա վիճակը ի սկզբանե գնահատվում էր կրիտիկական:
Պացիենտն ունեցել է երկկողմանի թոքաբորբ, տարել է սրտամկանի սուր ինֆարկտ, ինչպես նաև ունեցել է սրտի քրոնիկ անբավարարություն զարկերակային գերճնշումով: Բժշկի խոսքով` պացիենտի վիճակը կարող էր վատթարանալ ցանկացած այլ վիրուսի հետևանքով:
Այս պահի դրությամբ Վրաստանում պաշտոնապես հաստատված է կորոնավիրուսի 170 դեպք, բուժվել է 36 քաղաքացի: Հիշեցնենք, որ առաջին մահը գրանցվել էր նախօրեին` ապրիլի 4-ին:
