Ճանապարհային դեպարտամենտի կայքը տեղեկացնում է, որ փակ է Ռուսաստանի հետ սահմանի ուղղությամբ ավտոմայրուղու հատվածը՝ «Կազբեգի-Վերին Լարս» անցակետը, իսկ Կոդա-Ծալկա-Նինոծմինդա ճանապարհին կան սահմանափակումներ:
«Բոլոր տիպի տրանսպորտների համար արգելափակումները գործում են նաև Մցխեթա-Ստեփանծմինդա-Լարս ավտոմայրուղու՝ Գուդաուրի-Կոբի հատվածում` ձնաբքի պատճառով », – ասվում է հաղորդագրությունում:
Սահմանափակումները գործում են Մլեթա-Գուդաուրի հատվածում, այնտեղ արգելվում է կանգ առնել:
Կոդա-Ծալկա-Նինոծմինդա ճանապարհին կան սահմանափակումներ: Արգելվում է երթևեկությունը՝ կցորդով և կիսակցորդով տրանսպորտային միջոցների համար:
Ավտովարորդների կողմից տվյալ ռեժիմի պահպանմանը հետևում է պարեկային ոստիկանությունը: