Բժիշկների գնահատմամբ Թբիլիսիի Կենտրոնական ինֆեկցիոն հիվանդանոցում նոր տիպի կորոնավիրուսով բուժման մեջ գտնվող հիվանդներից մեկի վիճակը կայուն ծանր է: Մեկ շաբաթից ակնկալվում է, որ կորոնավիրուսով առաջին հիվանդները կառողջանան:
Վրաստանում կորոնավիրուսով վարակման առաջին դեպքը գրանցվել է փետրվարի 26-ին: Նա Վրաստանի քաղաքացի է, Մառնեուլիի բնակիչ, ով եղել է Իրանում: Նրա մոտ ախտանիշները նկատվել են վրաց-ադրբեջանական սահմանը հատելիս, որից հետո նա տեղափոխվել է վարակիչ հիվանդությունների հիվանդանոց: Այնուհետև ևս երկու հիվանդ՝ մի տղամարդ, ով այցելել էր Իրան և մի կին, ով եղել է Իտալիայում: Վարակման մնացած 10 դեպքերը նույնպես կապված են Իտալիա ուղևորության պատմության հետ:
«Մենք վարակվածներից անալիզ ենք վերցնում յուրաքանչյուր երեք օրը մեկ: Մինչև հիմա վիրուսը ոչ մի տեղ չի գնացել, ինչը չէր սպասվում: Համարվում է, որ վերականգնումը, նույնիսկ մեղմ դեպքերում, սկսվում է երկու շաբաթ անց, դեռ չի անցել: Մենք ակնկալում ենք, որ կվերականգնվեն մոտ մեկ շաբաթվա անց», – ասել է Թբիլիսի ինֆեկցիոն հիվանդանոցի տնօրեն Թենգիզ Ցերթվաձեն:
Մարտի 8-ի դրությամբ Վրաստանում արձանագրվել է Covid-19 կորոնավիրուսով վարակի 13 դեպք: Շաբաթ օրը վարակի կանխարգելման և վերահսկման շտաբում մեկ օրվա մեջ գրանցվել է չորս նոր դեպք:
Ինը հիվանդներ պատկանում են նույն կլաստերին: Նրանք բոլորը կամ միասին այցելել են Իտալիա, կամ կապ են հաստատել այդ երկրում վարակված քաղաքացիների հետ և վերադարձել են Թբիլիսի:
Այս խմբի №4 հիվանդի մոտ հիվանդությունն ավելի ծանր է ընթանում, քան Վրաստանի 12 այլ քաղաքացիների մոտ: Մասնավորապես, 44-ամյա մի տղամարդու մոտ ախտորոշվել է երկկողմանի թոքաբորբ:
Բժիշկները մնացած հիվանդների վիճակը գնահատում են բավարար: Ոմանք ունեն թեթև ջերմություն՝ 37-ից 37.4 աստիճան, իսկ մյուսները հազվադեպ հազ:
Ընդհանուր առմամբ, Կենտրոնական ինֆեկցիոն հիվանդությունների կենտրոնում կորոնավիրուսով 12 հիվանդ կա: Ինը հոգու կենսանյութերը առավոտյան ուղարկվել են Լուգարի լաբորատորիա: Թեստի արդյունքները հայտնի կդառնան մինչև օրվա ավարտ:
Ներկա դրությամբ Վրաստանում կորոնավիրուսով 69 կասկածյալ հիվանդ կա, որոնք շարունակում են մնալ հիվանդանոցներում բժիշկների վերահսկողության ներքո: Ավելի քան 140-ը, որոնց մոտ հիվանդությունը չի հաստատվել, սակայն կարանտինի մեջ են:
Աշխարհի 93 երկրներում արդեն արձանագրվել է վարակվելու ավելի քան 103,1 դեպք, ավելի քան 3,4 հազար մահվան դեպք:
Հիվանդների և մահացածների ճնշող մեծամասնությունը Չինաստանում են: Եվրոպայում վարակվածների թվաքանակով՝ առաջին տեղում Իտալիան է, այնուհետև Իրանը՝ Մերձավոր Արևելքում:
Վրաստանի իշխանությունները որոշում կայացրին արգելել ցամաքային տեղաշարժը Վրաստանի և Իրանի միջև: Ավելի վաղ Վրաստանը ժամանակավորապես դադարեցրել էր թռիչքները Չինաստանի և Իրանի հետ: Մարտի 6-ին հայտարարվեց Իտալիայի հետ ուղիղ չվերթների դադարեցման մասին:
Վրաստանում կորոնավիրուսի առաջացման հետ կապված մանկապարտեզներում և դպրոցներում ուսումնական գործընթացը հետաձգվեց: Այսպիսով, գարնանային արձակուրդները որոշեվեց երկարաձգել՝ մարտի 2-ից մինչև 16-ը: Արձակուրդների ընթացքում Վրաստանի Առողջապահության նախարարությունը խորհուրդ է տալիս ախտահանել ինչպես դպրոցները, այնպես էլ մանկապարտեզները: Նրանք հատուկ լուծույթով մշակում են հասարակական տրանսպորտը: Նմանատիպ աշխատանքներ են տեղի ունենում նաև դատարաններում, սպասարկման կենտրոններում և պետական այլ գերատեսչություններում:
Վարչապետ Գեորգի Գախարիայի գլխավորությամբ միջգերատեսչական համակարգող խորհուրդը առաջարկել է չեղարկել միջոցառումները: Մարտի 5-ից մինչև 19-ը ներառյալ երկրի բոլոր բանտերում գործում է հատուկ ռեժիմ, դատապարտյալներին արգելվում է դուրս գալ բանտերից և հանդիպումներ անցկացնել: Այն մարդիկ, ովքեր հատուկ պայմանների ժամանակահատվածում բանտեր են մտնում, կտեղավորվեն մյուս բանտարկյալներից առանձին:
