2020 թվականի հունվարի 1-ից այն տրանսպորտային միջոցներում, որոնցում տեղադրված են գազաբալոնային սարքավորումներ, կանցնեն հատուկ ստուգման: Այս մասին հաղորդում է Հանրային հեռուստատեսությունը՝ հղում կատարելով Վրաստանի էկոնոմիկայի նախարարությանը:
Համապատասխան դրույթները պարունակում են տրանսպորտային միջոցների պարբերական ստուգման տեխնիկական կանոնակարգում: Օրենքի համաձայն, գազի բալոններով մեքենաների սեփականատերերը պետք է անցնեն լրացուցիչ ստուգում` գազային համակարգի ստուգում, նախքան տեխզննումն անցնելը:
Սարքավորման անխափան աշխատելու դեպքում վարորդին կտրվի վկայագիր: Առանց այս վկայագրի, տրանսպորտային միջոցին չի թույլատրվի անցնել տեխնիկական զննում:
Միևնույն ժամանակ, գազի բալոնի պարտադիր ստուգումը պետք է կատարվի յուրաքանչյուր հինգ տարին մեկ անգամ, իսկ հեղուկ գազի համակարգի ստուգումը` երեք տարին մեկ:
Ներկայումս գազաբալոնային սարքավորումները կարող են փորձարկվել չորս կենտրոնում` «Գազկոնտրոլ» (Կախեթյան խճուղի, 67), «Հեսլեր» (Գեորգի Մդիվանի 100), «Գոիմոտորս» (ք.Գորի, Սուխիշվիլիի փողոց 63), «Գիոմ 1» (ք. Քութայիս, Աբաշիձե 32):
Սարքավորումների ստուգումն իրականացվում է միայն այն ընկերությունների կողմից, որոնք գրանցված են Վրաստանի ազգային հավատարմագրման կենտրոնում:
Էկոնոմիկայի նախարարությունն ընդգծում է, որ այդ գերատեսչությունը ճանաչված է Եվրամիության հավատարմագրման ասոցիացիայի կողմից: Գործնականում, սա նշանակում է, որ Վրաստանում թողարկված գազի սարքավորումների սպասարկելիության վկայագրերը վավեր կլինեն նաև Եվրոպայում:
«Կենտրոնում հավատարմագրված անձանց վկայականները, ներառյալ տեսչական մարմինների կողմից տրված փաստաթղթերը, ճանաչվում են ԵՄ-ում», – հաղորդում է նախարարությունը:
Ըստ Էկոնոմիկայի նախարարության տվյալների` երկրում գազաբալոնային սարքավորումների տեսչական կենտրոնների թիվը փուլ առ փուլ կաճի:
Տեղեկատվությունն այն ընկերությունների մասին, որոնք կարողացել են հավատարմագրում ձեռք բերել, հանրությանը կտրամադրվի փուլ առ փուլ:
