Վրաստանի Սահմանադրական դատարանը դադարեցրել է ինքնության քարտերի տրամադրման մասին նորմայի՝ միայն էլեկտրոնային տեղեկատվության կրիչների` չիպերի միջոցով: Այս մասին ասվում է դատարանի կայքում տեղադրված հաղորդագրության մեջ:
Դատարանը մասնակիորեն հաստատել է Նանա Սեփաշվիլիի և Իա Ռեխվիաշվիլիի հայցն ընդդեմ վրացական խորհրդարանի և Արդարադատության նախարարության:
«Նրանք պնդում են, որ նույնականացման քարտերը և անձնագրերը, որոնք պարունակում են էլեկտրոնային տեղեկատվություն պարունակող կրիչներ (չիպեր), մարդկանց տոտալ վերահսկողության միջոց են և կապված են աստվածաշնչյան Ապոկալիպսի գրքի հետ», – նշվում է հաղորդագրության մեջ:
Սահմանադրական դատարանը որոշել է միայն վերանայել նույնականացման քարտերի վերաբերյալ նորմայի սահմանադրականությունը: Մինչև վերջնական որոշում կայացնելը, նրա գործողությունը կդադարեցվի:
Դատարանի որոշման մեջ նշվում է, որ ներկայումս հայցվորները, ովքեր հավատքի պատճառով չեն ստանում չիպավորված փաստաթղթեր, ամբողջովին մեկուսացված են սոցիալական կյանքից և նրանց սահմանադրական իրավունքները սահմանափակված են:
Մասնավորապես, առանց փաստաթղթերի Վրաստանում անհնար է մասնակցել ընտրություններին, բժշկական ծառայություններ ստանալ, սովորել, աշխատել, տրանսպորտի որոշ տեսակներից օգտվել, դիմել բանկեր, ֆինանսական հաստատություններ և այլն:
«Ըստ այդմ, դատարանը համարում է, որ վիճարկվող նորմաների գործարկումը հայցվորների համար անուղղելի հետևանքների սպառնալիք է ներկայացնում», – ասվում է որոշման մեջ:
Սահմանադրական դատարանը նույնպես չի կարողացել հիմնավորել, որ վիճահարույց նորմաների կասեցումը կհանգեցնի մասնավոր կամ հասարակական շահերի սահմանափակմանը:
