Նինոծմինդայի մունիցիպալիտետի մանկապարտեզների միավորման տնօրենը մեղադրում է խորհրդարանի պատգամավոր Հենզել Մկոյանին սեռական ոտնձգությունների մեջ, սակայն դատախազությունում նախաքննչական միջոցառումներն անցկացնելուց հետո համարեցին, որ հանցագործության հատկանիշներ չկան և նրանք հետաքննություն չսկսեցին:
Ըստ sknews.ge- ի, դատախազությունից հայտնել են, որ Նարինե Գինոսյանի հայտարարությանը հետևել է արձագանքը, և նա հարցաքննվել է շրջանային դատախազության կողմից: Սակայն, Գինոսյանի փաստաբան Միրիան Նիկոլաձեն հաղորդել է, որ իր պաշտպանյալի հարցաքննությունը տեղի է ունեցել միայն այն բանից հետո, երբ նրանց այս հարցով դիմել է Վրաստանի Հանրային պաշտպանի գրասենյակը:
Դեռևս առանց արձագանքի է մնում նաև խորհրդարանին ներկայացրած հայտարարությունը՝ հանձնաժողովներում այս հարցը քննարկելու խնդրանքով: Նամակը գրանցվել է, բայց հետո, ըստ փաստաբանի, որևէ արձագանք չի հետևել:
Նարինե Գինոսյանը պատրաստվում է ՀԿ-ների և տարբեր կազմակերպությունների նամակի հետ միասին, իրեն աջակցելու համար, նորից դիմել խորհրդարան:
Հիշեցնենք, որ այս տարվա հուլիսին Նինոծմինդայի մանկապարտեզների տնօրեն Նարինե Գինոսյանը հայտարարել էր, որ խորհրդարանի պատգամավոր Հենզել Մկոյանը սեռական ոտնձգություն է կատարել իր նկատմամբ: Այս հայտարարությանը հաջորդել է այն, որ Նարինե Գինոսյանի դեմ գործ է հարուցվել և սկսվել է դատապրոցես:
Նիրինե Գինոսյանը և Միավորման հաշվապահ Անժելիկա Փութուլյանը, Վրաստանի ֆինանսների նախարարության քննչական ծառայության կողմից մեղադրվում են Վրաստանի քրեական օրենսգրքի 182-րդ հոդվածով, ինչը նշանակում է «Յուրացում կամ վատնում»: Ըստ գործի նյութերի, նրանք մեղադրվում են մինչև 9000 լարի պետական գումարների յուրացման կամ վատնման մեջ:
Նինոծմինդայի մանկապարտեզների տնօրեն Նարինե Գինոսյանի հայտարարությունը պատգամավոր Հենզել Մկոյանի իր նկատմամբ կատարած սեռական ոտնձգությունների մասին, հասարակության շրջանում դառնում է քննարկման առարկա: Ինչից հետո պատգամավորը հայտարարում է, ասելով, որ Գինոսյանի մեղադրանքը կեղտոտ քաղաքական քայլ է:
