Հոկտեմբերի 1-ից Շվեյցարիան Վրաստանը կներառի անվտանգ երկրների ցուցակում: Այս մասին ասված է Շվեյցարիայի դաշնային խորհրդի կայքում հրապարակված հայտարարության մեջ:
Հայտարարության համաձայն, անվտանգ երկիր ճանաչելուց հետո ապաստան փնտրող Վրաստանի քաղաքացիների հայրենիք վերադառնալը կլինի ողջամիտ:
Շվեյցարիայի Դաշնային խորհրդում նշում են, որ այս կամ այն երկրի անվտանգ ճանաչելու հիմնական չափանիշներն են՝ մարդու իրավունքների հարգումը, քաղաքական կայունությունը, առողջապահության համակարգը, ինչպես նաև Եվրամիության այլ երկրների և ՄԱԿ-ի գնահատականները:
Շվեյցարիայի կողմից անվտանգ ճանաչված երկրներն են՝ Ալբանիան, Բենինը, Բոսնիա և Հերցեգովինան, Բուրկինա Ֆասոն, Գանան, Հնդկաստանը, Կոսովոն, Մոլդովան (բացառությամբ Մերձդնեստրի), Մոնղոլիան, Մոնտենեգրոն, Հյուսիսային Մակեդոնիան, Սենեգալը և Սերբիան:
Շվեյցարիայի դաշնային խորհրդի հայտարարությամբ, 2017 թվականից ի վեր Շվեյցարիայում և Եվրամիության այլ երկրներում ավելացել է ապաստան փնտրող Վրաստանի քաղաքացիների թիվը, ինչը կապված է Վրաստանի համար անայցագրային ռեժիմի հաստատման հետ:
Դաշնային խորհուրդը նշում է, որ Վրաստանի որպես անվտանգ երկիր ճանաչումը հստակ ազդանշան է, որ Շվեյցարիան օգտագործում է բոլոր անհրաժեշտ միջոցները ապաստան փնտրողների չհիմնավորված դիմումների քանակը նվազեցնելու համար:
