Ախալքալաքում, «NEW STYLE» ոչ կառավարական կազմակերպությունը, Ախալքալաքի զարգացման խմբի (LAG) աջակցությամբ և Եվրամիության ֆինանսավորմամբ, բացեց Ջավախքում կանանց առաջին «Մոր և երեխաների աշխարհ» ակումբը:
Երեկ, ժամը 16: 00-ին Ախալքալաքում տեղի ունեցավ Ջավախքում կանանց առաջին «Մոր և երեխաների աշխարհ» ակումբի բացումը: Ակումբը բացվել է նույնանուն նախագծի համաձայն, որը գրվել է «NEW STYLE» հասարակական կազմակերպության կողմից: Կազմակերպությունը ստեղծվել է տարբեր մասնագիտությունների՝ բանկիր, իրավաբան, տնտեսագետ, հինգ կանանց կողմից:
Ակումբի ստեղծման նախագիծը հաստատվել է Ախալքալաքի զարգացման խմբի (LAG) կողմից, Վրաստանի հասարակության հետ կապերի ինստիտուտի (GIPA), գյուղատնտեսության զարգացման վարչության (GRDD) կողմից ֆինանսավորվող Եվրահանձնաժողովի շրջանակներում, ինչպես նաև Mercy Corps, Elva և West Cork Development Partnership գործընկեր կազմակերպությունների և «Օժանդակություն Ախալքալաքում գյուղի զարգացման ծրագրի նոր մոտեցմանը» ծրագրի կողմից(ENPARD II):
Նախագծի ընդհանուր գումարը կազմում է 68 290 լարի, որից 11 410-ը՝ ինքնաֆինանսավորում է, որը ներդրել են համահիմնադիրները և մարդիկ, ովքեր ցանկացել են օգնել:
Ակումբի համահիմնադիրների կարծիքով, ծրագրի նպատակը կնոջը տնից դուրս բերելն է:
«Մեր հիմնական նպատակն է կոտրել գավառական մտածողությունը, հնացած ավանդույթներն ու սովորույթները: Հիմա կինը ամենաշատը որ կարող է անել, դա ընկերներին կամ հարևաններին հյուր գնալն է, այն էլ ոչ ամեն օր: Այստեղ նրանք կարող են կտրվել առօրյա միապաղաղ շրջանակից և դառնալ ավելի վստահ », – ասում է նախագծի հեղինակներից մեկը՝ Ռուզաննա Քոշատաշյանը:
Կանայք կարող են գալ այստեղ իրենց երեխաների հետ: Ակումբում կա սենյակ երեխաների համար և մարզադահլիճ:
