Թբիլիսիում, խորհրդարանի դիմաց բողոքի ցույցերը շարունակվում են։ Այսօր արդեն 10-րդ օրն է, ինչ սկսած ժամը 7-ից մինչև ուշ երեկո Թբիլիսիի կենտրոնական փողոցը լեցուն է խաղաղ ցույցի մասնակիցներով։
Ցույցի սկիզբը տրվեց «Դինամո» երգով։
Մինչ այդ հանրապետության հրապարակից մինչև ազատության հրապարակ անցկացվեց «Ազատության երթ», որին մասնակցում էին ընդդիմության ներկայացուցիչներն ու քաղաքացիական ակտիվիստները։
Ցույցի մասնակիցների «պահանջներն անփոփոխ են։ Դրանք երեքն են, ոչ կավելանան, և ոչ էլ կպակասեն»։ Պահանջներից երկուսը՝ խորհրդարանական ընտրություններ, և բանտարկյալների ազատ արձակում՝ արդեն բավարարված են, մնացել է միայն ՆԳ նախարար Գիորգի Գախարիայի հրաժարականը, որը մնում է անկատար:
Խորհրդարանի դիմաց ցույցի մասնակիցներն այսօր ներկայացան «Գախարիա գնա՜» գրված վերնաշապիկներով։
Ցուցարարների մեծ մասը եկել էր տարբեր երկրների դրոշներով և պաստառներով։
«Ռուսաստան դադարի՜ր» սառնաշաքար կոնֆետներն արդեն շատ տարածված են դարձել ցուցարարների միջև։
Ռիմա Մառանգոզյան
