Այսօր, մայիսի 27-ին Ախալքալաքի շրջանի Տուրցխ գյուղում՝ գյուղի մատուռի մոտ, տեղի է ունեցել խաչքարի պաշտոնական բացում, որը ծառայի որպես և ևս մեկ աղոթատեղի գյուղացիների համար:

Տուրցխ գյուղի բնակիչներին Խաչքարը նվիրել է Գարիկ Կարապետյանը, որը տուրցխեցի է, և այժմ բնակվում է Ռուսաստանում: Խաչքարի հանդիսավոր բացումը տեղի է ունեցել քահանաների օրհնությունից հետո:

Xachkar-4

Խաչքարի բացմանը հաջորդել է երգն ու պարը: Երեխաները հանդես են եկել տարբեր պարային համարներով:

Xachkar 1

«Ես շատ ուրախ եմ, որ Գարիկի նման մարդիկ կան, որոնք մեկնել են գյուղից, բայց չեն մոռացել իրենց հայրենիքը», – ասում է ներկաներից մեկը:

Բացման արարողությանը ներկա էին բազմաթիվ մարդիկ՝ ինչպես Տուրցխ գյուղից, այնպես էլ հարակից գյուղերից:

Բացմանը ներկա էին նաև Ախալքալաքի քաղաքապետարանի Մշակույթի, կրթության, հուշարձանների եւ երիտասարդության հարցերի վարչության պետ Վալերի Ստելմաշովը, Սակրեբուլոյի պատգամավոր Սամվել Պետրոսյանը և այլ պաշտոնյաներ:

Բրատիսլավ Իգիթխանյան