Ապրիլի 17-ին, Ախալքալաքի «Ապագայի տանը» նշվեց պետական լեզվի օրը:

Միջոցառմանը մասնակցում էին «Ապագայի տան» երեխաները: Սկզբում հնչեց Վրաստանի օրհներգը, ապա երեխաները երգեր երգեցին ու բանաստեղծություններ կարդացին:

Deda Ena 1

Միջոցառումը վարում էին երկու լեզվով` հայերենով և վրացերենով:

Ներկա էին փոխքաղաքապետ Արմեն Մառանգոզյանը, Մշակույթի ծառայության ղեկավար Վալերի Ստելմաշովը, Աշուղ Ալիկ Ջավախքը և այլ պաշտոնյաներ:

«Պետական լեզվի օրը նշվում է ապրիլի 14-ին, մենք ուզում էինք այդ օրը կազմակերպել միջոցառումը, բայց քանի որ Սալոմե Զուրաբիշվիլին այդ օրը Ախալքալաքում էր, օրը հագեցած էր միջոցառումներով, մենք չկարողացանք անցկացնել 14-ին, և մենք նշում ենք այսօր», – նշեց միջոցառման կազմակերպիչ Սաթենիկ Մահտեսյանը:

Deda Ena 2

Միջոցառման ավարտին Արմեն Մառանգոզյանը նշեց, որ իրենք գոհ են այսօրվա միջոցառումից և հույս հայտնեց, որ նմանատիպ հանդիպումներ կկազմակերպվեն ապագայում էլ:

Միջոցառումը կազմակերպել էին Սաթենիկ Մահտեսյանը, Նանուլի Ունանյանը և Նանա Զազաձեն:

Deda ena 3

Բրատիսլավ Իգիթխանյան