Ախալքալաքից մի խումբ երիտասարդներ կազմակերպել էին ուխտագնացություն դեպի Աբուլ լեռ: Նրանք գիշերեցին 3305 մ բարձրության վրա և գագաթին դիմավորեցին օգոստոսի 7-ի արևածագը:
Ուխտագնացությանը մասնակցում էր մոտ 60 մարդ, սակայն Աբուլի գագաթ բարձրացան միայն 40-ը:
Մասնակիցների տրամադրությունը բարձր էր: Աբուլի լանջին նրանք շուրջպար էին բռնել:
Աբուլի գագաթը՝ 3305 մետրը հաղթահարված էր արդեն մայրամուտին:
Ուխտագնացները գիշերերցին վրաններում:
Փարվանայի ափից բացվող արևածագը արդարացրեց նրանց սպասելիքները:
Նկարիչ Հայկազուն Ղարագուլյանը, ով ուխտագնացության կազմակերպիչներից էր, ասաց, որ շատ վաղուց մտադրություն ուներ Աբուլ բարձրանալու: «Մեր ուխտի նպատակը մեկն էր: Այն նվիրվում է Քրիստոսի պայծառակերպության օրվան»:
Ուխտագնացներից ամենափոքրը 9-ամյա Արտյուշն էր, ով մեծ խանդավառությամբ էր լեռը բարձրանում:
Աբուլի գագաթին վրացական դրոշի հետ մեկտեղ բարձրացվեց նաև հայկական եռագույնը:
Արթուր Մոսոյան
