Վրաստանի խորհրդարանը արդեն անցել է թարմացված Սահմանադրության նախագծի քննարկմանը հանձնաժողովի լսումների ձևաչափով, իսկ մինչ այդ փոփոխությունները երկրի հիմնական փաստաթղթում ներկայացված է հանրային քննարկման:
Վրաստանի նախագահ Գիորգի Մարգվելաշվիլին ողջունում է խորհրդարանի նախագահ Իրակլի Կոբախիձեի նախաձեռնությունը՝ անցկացնել համընդհանուր քննարկում սահմանադրական փոփոխությունների նախագծի վերաբերյալ վիճելի հարցերի շուրջ կոնսենսուսի հասնելու համար: Այս մասին լրագրողներին հաղորդեց Վրաստանի նախագահի ադմինիստրացիայի ղեկավար Գիորգի Աբաշիշվիլին:
Խորհրդարանի ղեկավար Իրակլի Կոբախիձեն նախօրեին հայտարարել էր իր պատրաստակամությունը քննարկելու Սահմանադրության նախագիծը Վրաստանի նախագահի հետ, ով դեմ է փաստաթղթում մի շարք փոփոխություններին: Կոբախիձեն առաջարկել է հեռարձակել քննարկումը ուղիղ եթերով:
«Մենք միշտ աջակցել ենք լայն մասնակցությանը, պրոցեսի բարձր օրինականությունը և, համապատասխանաբար, ողջունում ենք Վրաստանի խորհրդարանի հայտարարությունը համատեղ քննարկման հետ կապված և առաջարկում ենք այստեղ, Նախագահի պալատում, անցկացնել հանդիպում, որին կմասնակցեն Վրաստանի նախագահը, խորհրդարանի նախագահը, վարչապետը և Ժողովրդական պաշտպանը, քաղաքական կուսակցությունները, ոչ պետական կազմակերպությունները, փորձագետները և բիզնես ասոցիացիաները», – լրագրողներին ասաց Աբաշիշվիլին:
Բոլոր կողմերը պետք է համաձայնության գան հուզող հարցերի շուրջ, և այդ գործընթացը պետք է լայնորեն լուսաբանվի ԶԼՄ-ների կողմից, համոզված է նախագահի ադմինիստրացիայի ղեկավարը:
«Այս քննարկումը անհրաժեշտ է հենց այն բանի համար, որպեսզի այս ամենակարևոր միջպետական փաստաթուղթը ընդունվի ոչ թե մեկ կողմից, այլ լայն կոնսենսուսի ճանապարհով», – եզրափակել է Աբաշիշվիլին:
Թարմացված Սահմանադրության նախագիծը ենթադրում է Վրաստանի անցումը կիսախորհրդարանականից խորհրդարանական կառավարման ձևի: Դրանից ելնելով կրճատվում է նախագահի լիազորությունները և աճում են կառավարության լիազորությունները: Բացի այդ, նախատեսվում է ուղղակի նախագահական ընտրությունների վերացումը և խորհրդարանի նոր համակարգի ընտրությունների ներդրումը` բացարձակապես
համամասնական:
Ըստ թարմացված Սահմանադրության նախագծի, նախագահը կպահպանի պետության ղեկավարի կարգավիճակը և Գերագույն հրամանատարի պաշտոնը, բայց, ի տարբերություն օրենքի ներկայիս տարբերակի, նրա բոլոր որոշումները, որոնք վերաբերում են պետական համակարգին և երկրի պաշտպանությանը, կպահանջեն համաձայնություն վարչապետի հետ:
Բացի այդ, նախագահը կորցնում է Գերագույն դատարանի նախագահին նշանակելու իրավունքը և միջազգային համաձայնագրեր կնքելու իրավունքը: Ինչպես նաև ծրագրվում է Ազգային անվտանգության խորհրդի վերացումը, որը գործում է նախագահին կից: Ըստ ծրագրային փոփոխությունների, որոշում է կայացվել այն վերածել ազգային պաշտպանության խորհրդի, որը կգործի պատերազմական իրավիճակներում, ինչի համար նույնպես գոհ չեն փոփոխությունների ընդդիմախոսները, չնայած այն հանգամանքին, որ նոր խորհրդի նախագահը կլինի Վրաստանի նախագահը:
Սպասվում է, որ թարմացված Սահմանադրության նախագիծը կլինի 2017 թ.-ին, սակայն դա ուժի մեջ կմտնի 2018 թ.-ի նախագահական ընտրություններից հետո:
Կարդալ ավելին` sputnik- georgia կայքում
