Այսօր, երեխաների ծնողները, ովքեր հաճախում են կարատեի մասնավոր բաժին դիմել են Նինոծմինդայի շրջանի վարչության նախագահին խնդրանքով՝ տարածք տրամադրել պարապմունքների համար:

Գարիկ Մահտեսյանի որդին հաճախում է մարզիչ Մաքսիմ Արզումանյանի մոտ, որի բաժինը չի մտնում շրջանի սպորտային բաժնի մեջ և համարվում է մասնավոր ու վճարովի:

«Մեր երեխաները տեղ չունեն մարզվելու, մեր խնդրանքն է, որպեսզի հատկացնեն տարածք մարզումների համար», – ասում է Գարիկ Մահտեսյանը:

Նինոծմինդայի շրջանի վարչության նախագահ Գագիկ Ղարսլյանը ծնողների հետ հանդիպման ժամանակ նշել է, որ շրջանը այս տարի հնարավորություն չունի բացել ևս մեկ սպորտային բաժին և տալ աշխատավարձ մարզչին, իսկ ինչ վերաբերում է պարապմունքի տեղին, գործնականում հնարավոր է գտնել ազատ տարածք, բայց մարզիչը պետք է վարձակալի այն ու վճարի վարձավճարի գումարը: Ներկա պահին, Նինոծմինդայի շրջանում գործում են երկու կարատեի բաժին, իսկ Մաքսիմ Արզումանյանի բաժինը մասնավոր է:

Բորիս Ղարսլյան