Jnews-ը փոքրիկ հետազոտություն է անցկացրել հասկանալու համար թե ի՞նչ փուլում են գտնվում Ախալքալաքի մունիցիպալիտետում ճանապարհաշինարարական մրցույթները։
Պարզվեց, որ հիմնականում ճանապարհաշինարարական մրցույթները դադարեցված են։ Պարզաբանման մեջ գրված է հետևյալ տեքստը․
Մրցույթի հանձնաժողովի անդամները տեղեկացրել են, որ մրցույթը պետք է դադարեցվի, քանի որ անհրաժեշտ է ուղղումներ իրականացնել մրցութային փաստաթղթերում:
Այս պահին դադարեցված են հետևյալ ճանապարհաշինարարական մրցույթները, որոնք պետք է իրականացվեն 2025-2026 թվականներին՝
Թվարկված բոլոր մրցույթներին մասնակցել է միայն մեկ՝ «Ջավախավտոգզա» ընկերությունը:
Jnews-ը Ախալքալաքի մունիցիպալիտետի քաղաքապետարանի ենթակառուցվածքների, ճարտարապետության և շինարարության ծառայության պետ Արա Մովսիսյանից հետաքրքրվեց, թե ինչո՞ւմ է կայանում խնդիրը, որ մրցույթները դադարեցվել են:
«Մրցույթային փաստաթղթերի հետ կապված խնդիրներ են առաջացել, դրա համար էլ դադարեցված են, բայց մոտակա ժամանակահատվածում ուղղումներ կանենք և նորից մրցույթ կհայտարարենք», – ասաց Արա Մովսիսյանը:
Լուսանկարը՝ Jnews-ի արխիվից
