Վրաստանի խորհրդարանը հայտարարություն է տարածել անվտանգության լրացուցիչ միջոցների մասին։ Նոյեմբերի 26-ից մինչև համապատասխան կարգի չեղարկումը, Վրաստանի խորհրդարանում կգործի անվտանգության «դեղին» մակարդակ։
Խորհրդարանի նախագահի կարգադրության համաձայն՝ նախատեսված խորհրդարանական միջոցառումների մուտքի սահմանափակումները վերաբերում են ինչպես այցելուներին, այնպես էլ լրատվամիջոցների ներկայացուցիչներին։ Մասնավորապես, խորհրդարանական միջոցառումներին կթույլատրվի մասնակցել միայն համապատասխան կառուցվածքային ստորաբաժանումների կողմից հրավիրված անձանց։ Ինչ վերաբերում է ԶԼՄ-ներին, ապա մինչև խորհրդարանական միջոցառումների ավարտը խորհրդարանի շենքում կարող են աշխատել միայն հեռուստաընկերությունների հավատարմագրված լրագրողները։
«Վրաստանի խորհրդարանի նախագահի 2023 թվականի սեպտեմբերի 4-ի N1/259/23 հրամանի համաձայն՝ Վրաստանի խորհրդարանի շենքում անվտանգության կանոնները հաստատելու մասին, այս տարվա նոյեմբերի 26-ից մինչև դրա չեղարկումը, Խորհրդարանի պալատում գործելու է անվտանգության «դեղին» մակարդակ, իսկ այցելուների մուտքը խորհրդարան սահմանափակ է։
Միայն համապատասխան կառուցվածքային ստորաբաժանումների կողմից հրավիրված անձանց կթույլատրվի մասնակցել նախատեսված խորհրդարանական միջոցառումներին (ներառյալ հանձնաժողովների նիստերը և լիագումար նիստերը): Մինչև խորհրդարանական միջոցառումների ավարտը յուրաքանչյուր հեռարձակողից ոչ ավելի, քան երկու հավատարմագրված հեռուստատեսային/հեռուստամեդիա խմբեր մուտք կգործեն շենք:
