---

Բնական հյութերի արտահանումը երկրից աճում է: Ազգային վիճակագրական ծառայության տվյալներով՝ 2024 թվականի հունվար-սեպտեմբերին Վրաստանն արտահանել է 14682,07 հազար դոլարի 9999,39 տոննա մրգերի և բանջարեղենի հյութեր։ Այս ցուցանիշը նախորդ տարվա նույն ժամանակահատվածի համեմատությամբ նշանակում է 12,4 տոկոս աճ՝ 2023 թվականի 9 ամիսների ընթացքում հանրապետությունից արտահանվել է 8893,96 տոննա հյութ։

Նշենք, որ Վրաստանում արտադրվող մրգերի և բանջարեղենի հյութերի արտահանման համար թիվ մեկ շուկան ԱՄՆ-ն է։ Երկրից արտահանվող հյութերի 26%-ն այս տարի ուղարկվել է Ամերիկա։

TOP 5 երկրները, որտեղ Վրաստանը վաճառում է մրգերի և բանջարեղենի հյութեր.

• ԱՄՆ՝ 2596,40 տոննա,
• Իսրայել՝ 1837,53 տոննա,
• Ավստրալիա՝ 1311,39 տոննա,
• Գերմանիա՝ 742,61 տոննա,
• Հայաստան՝ 615,94 տոննա:

Նշենք, որ հանրապետությունում մրգային և բանջարեղենային հյութերի արտադրությանը զուգընթաց ընդլայնվում է դրանց արտահանման շրջանակը։ 2024 թվականին Վրաստանից բնական հյութերն արտահանվել են 39 արտահանողական շուկաներ։