---

2024 թվականի առաջին 9 ամիսների ընթացքում «Վրացական երկաթուղիների» եկամուտներն աճել են 2%-ով և կազմել 490 մլն լարի։ Միաժամանակ ընկերության զուտ շահույթը նվազել է 26%-ով և կազմել 75,4 մլն լարի։

Ըստ փոխադրողի ֆինանսական հաշվետվության՝ շահույթի նվազումը հիմնականում պայմանավորված է փոխարժեքի տարբերությունների պատճառով 17 մլն լարիի կորուստով։

«Վրացական երկաթուղիների» 2024 թվականի եկամուտները (փակագծերում նշված է նախորդ տարվա տարբերությունը).

• Բեռնափոխադրումներ՝ 269,8 մլն լարի (-3%)
• Լոգիստիկ ծառայություններ՝ 98,8 մլն լարի (-6%)
• Բեռների մշակում ՝ 62,8 մլն լարի (-0,5%)
• Ուղևորափոխադրումներ՝ 32,6 մլն լարի (-1%)
• Անդրսահմանային բեռնափոխադրումների վագոնների հարկը՝ 11,9 մլն (+4%)
• Այլ եկամուտներ՝ 10,5 մլն (+175%)
• Ավտոմեքենաների վարձույթ՝ 3,8 մլն (+23%):

Ինչ վերաբերում է ընկերության ծախսերին, ապա 2024 թվականին «Վրացական երկաթուղիներ» ընկերությունը 12 հազար աշխատողների աշխատավարձի վրա ծախսել է 171,7 մլն լարի, մաշվածության և ամորտիզացիայի արժեքը կազմել է 48 մլն լարի, վառելիքի, էլեկտրաէներգիայի փոփոխական ծախսերը և այլն՝ 63 մլն լարի, այլ ծախսեր՝ 108 մլն լարի։

Տեղեկատվության համար՝ «Վրացական երկաթուղիներ» ընկերության ակտիվները գնահատվում են 2,6 մլրդ լարի, իսկ պարտավորությունները՝ 1,64 մլրդ լարի։