Դպրոցական արձակուրդներին զուգահեռ սկսվում են նաև էքսկուրսիաները։ Jnews-ը փոքրիկ հարցախույզ է իրականացրել Ախալքալաքի մունիցիպալիտետի որոշ դպրոցներում, պարզելու թե մեր դպրոցականների շրջանում որոնք են էքսկուրսիաների համար պահանջված ուղղությունները։ Արդյունքում պարզ դարձավ, որ դպրոցականների ամենանախընտրելի ուղություններն են՝ Բորժոմին, Սափարայի վանքը , Ախալցիխեի բերդ Ռաբաթը և Վարձիան։Մունիցիպալիտետի քաղաքի և գյուղական մի քանի դպրոցից պարզեցինք, որ երեխաները հիմնականում նախընտրում են գնալ Վարձիա, Ախալցիխե՝ Ռաբաթ և Սափարա, Բորժոմի։ Ըստ ուսուցիչների՝ աշակերտները հիմնականում ընտրում են այդ ուղղությունները, քանի որ լողավազաններից օգտվելու հնարավորություն կա, երեխաների գրավում է այդ փաստը։ Ինչ վերաբերվում է, օրինակ Ախալքալաքի և Նինոծմինդայի մունիցիպալիտետներում գործող թանգարաններին, ապա դպրոցականներն այցելում են, բայց ոչ բոլորն են նախընտրում։
Օրինակ․ Ախալքալաք քաղաքի դպրոցներից այցելում են Ջիվանու և Վահան Տերյանի տուն-թանգարաններ, բայց դպրոցական արձակուրդների ժամանակ նախընտրում են մունիցիպալիտետից դուրս որևէ հանգստյան գոտի գնալ։
Կան գյուղեր, որտեղ դպրոցականների փոխարեն ուսուցիչներն այցելում թանգարաններ։ Ուսուցիչները Jnews-ի հետ զրույցում նշեցին, որ երեխաներն ընտրում են այն ուղղությունները, որտեղ կամ լողավազան կա, կամ շատ են լսել այդ վայրի մասին և ուզում են անպայման լինել։ Այստեղ ազդեցիկ դեր է խաղում նաև բարձր դասարանների աշակերտների կարծիքը, ովքեր արդեն մեկ անգամ եղել են այդ վայրերոմ և առաջարկում են մյուսներին։ Կան նաև անյպիսի ուսուցիչներ, որոնք անվտանգության նկատառումներից ելնելով նախընտրում են էքսկուրսիա գնալ գյուղին մոտ տարածքներ՝ որտեղ գետ, տաղավար կամ երեխաների համար դեռ չբացահայտված մատուռներ կան։
Jnews-ի հարցախույզին մասնակցած ուսուցիչներն իրենց խոսքում նշեցին, որ ուսումնական տարվա ընթացքում փորձում են տարբեր միջոցառումներ կազմակերպել, որոնց շրջանակներում էլ աշակրետներին տանում են Ախալքալաքի Գավառագիտական թանգարան, Վահան Տերյանի տուն-թանգարան և Ջիվանու տուն-թանգարան։
Հիմնադրվել է 1965 թվականին։ Թանգարանն ունի 7 ցուցասրահ, որտեղ ներկայացված են սկսած հողագործական իրերից մինչև ձեռագործ կարպետներ, կտավներից մինչև եկեղեցական արժեքավոր մատյաններ:
Ջիվանու տուն-թանգարանը հիմնադրվել 2016 թվականին, Ախալքալաքի ծրջանի Կարծախ գյուղում։ Թնագարանը բացվեց աշուղի 170-ամյակին։ Այն յուրահատուկ կրթա-մշակութային կենտրոն է ինչպես գյուղի, այնպես էլ ամբողջ շրջանի համար: Թանգարանում պարբերաբար կազմակերպվում են ազգային երգ ու պարին, ասմունքին նվիրված միջոցառումներ։ Թանգարանում կա նաև ազգային տարազով լուսանկարվելու հնարավորություն։ Տարազներ կան ինչպես կանանց, այնպես էլ տղամարդկանց և երեխաների համար։ Կարնո տարազներ են, իսկ նկարվելու արժեքը 50 լարի է։
Վահան Տերյանի տուն-թանգարանը գտնվում է Նինոծմինդայի շրջանի Գանձա գյուղում, որը գործում է 1957 թվականից։ Թանգարանի համալիրի մեջ է մտնում Սուրբ Կարապետ եկեղեցին, որ 1852 թվականին կառուցել է Տերյանի պապը՝ տեր Գրիգորը։ 2021 թվականի օգոստոսի 1-ին տեղի ունեցավ հայ մեծանուն քնարերգու Վահան Տերյանի տուն թանգարանի արդիականացված ցուցասրահի բացման հանդիսավոր արարողությունը:
Թվարկված թանգարանների մասին տեղեկություն մունիցիպալիտետի քաղաքի և գյուղերի դպրոցներում գրեթե բոլորն ունեն, բայց ոչ բոլորը գիտեն Նինոծմինդայի Սաթխա գյուղի թանգարանի մասին, որը հիմնադրվել է 2019 թվականին։ Ալբերտ Իսոյանի անվան Ազգագրական թանգարանում ցուցադրված են մի շարք հնագույն ցուցանմուշներ, ներառյալ հավաքածուներ, որոնք հավաքվել է անձամբ՝ Ալբերտ Իսոյանի կողմից:
Թանգարանների մասին կարող եք կարդալ նաև՝
