Շրջակա միջավայրի ազգային գործակալության հանձնարարականի հիման վրա, Ներքին գործերի նախարարության աշխատակիցները, Դևդորակիի հովտում այս պահին տիրող իրավիճակի հաշվառմամբ, չեղարկել են ավտոտրանսպորտային տեղաշարժի վրա սահմանված սահմանափակումը։ Ինչպես նաև, բնականոն ռեժիմով շարունակում է աշխատանքը «Դարիալի» սահմանային անցակետը։
Դևդորակիում տեղադրված վաղ ահազանգման համակարգից, որը հունում հոսքի նվազագույն բարձրացման դեպքում արձանագրում է փոփոխությունը, ազդանշանային հաղորդագրությունը ստացվել էր առավոտյան։
Արձանագրության համաձայն, «Դարիալի» սահմանային անցակետից տեղում գտնվող քաղաքացիների, ինչպես նաև անցակետում աշխատող պարեկային ոստիկանության, մաքսային ծառայության, սահմանապահ ոստիկանության և մասնավոր ընկերության աշխատակիցների տարհանումն իրականացվել էր անվտանգ վայր։
Միևնույն ժամանակ, կանխարգելման նպատակով, Գվելեթի գյուղի մոտ բոլոր տեսակի տրանսպորտային միջոցների համար երկու ուղղություններով երթևեկությունը սահմանափակվել էր։ Շրջակա միջավայրի ազգային գործակալության տեղեկատվությամբ՝ այս պահի դրությամբ Դևդորակիի հովտում վտանգի մակարդակը հանված է։
Տեղեկատվությունը տարածում է Ներքին գործերի նախարարությունը։
