Սեպտեմբերի 22-ին կայացավ Ճիաթուրայի «Մաղարոելի» և Ախալքալաքի «Աբուլ» ֆուտբոլային թիմերի հանդիպումը։ Խաղն ավարտվեց ախալքալաքյան թիմի՝ 4։2 հաշվով անընդմեջ 6-րդ հաղթանակով։

«Աբուլը» մրցակցին ընդունեց Դիլիսկա գյուղի մարզադաշտում, քանի որ Ախալքալաքի կենտրոնական մարզադաշտում ներկայումս վերականգնման աշխատանքներ են իրականացվում։ Այս հաղթանակով թիմը հաղթական շարքը հասցրեց 6 անընդմեջ խաղի։

«Աբուլին» հաջողվեց նախաձեռնությունն իր ձեռքը վերցնել և 4 գոլ խփել։ Խաղում աչքի ընկան Սարգիս Բաբաջանյանը, Ռոմիկ Ճորուխյանը և Ստեփան Մարգարյանը՝ գոլերի հեղինակները։

Մրցավարի վերջնական սուլիչը արձանագրեց «Աբուլի» հաղթանակը՝ 4։2 հաշվով։

«Աբուլը» մրցաշարային աղյուսակում զբաղեցնում է 5-րդ տեղը։ 4-րդ հորիզոնականից թիմին բաժանում է 2 միավոր, իսկ 3-րդ տեղից՝ 3 միավոր։ Չնայած անընդմեջ 6-րդ հաղթանակին՝ թիմը դեռևս չի բարձրացել մրցաշարային աղյուսակում, քանի որ առաջին քառյակում գտնվող թիմերը նույնպես հաղթանակներ են գրանցում։

2026 թվականի Վրաստանի մարզային լիգայի առաջնությունում «Աբուլը» այս պահի դրությամբ վաստակել է 41 միավոր և տարել 13 հաղթանակ։ Թիմը խփել է 48 գոլ և բաց թողել 29 գոլ։