Այսօր՝ օգոստոսի 29-ին, ցերեկվա ժամը երեքի սահմաններում, Ախալքալաքի մունիցիպալիտետում ուժեղ կարկուտ է տեղացել, որի արդյունքում մի քանի բնակավայրեր լուրջ վնասներ են կրել:

Անձրևաջրերը հոսել են գյուղերի փողոցներով՝ ողողելով տները, նկուղները և հարակից տարածքները: Որոշ շրջաններում փոթորիկը զգալի վնաս է հասցրել ճանապարհներին և գյուղատնտեսական հողերին:

Կարտիկամ գյուղը լուրջ վնասներ է կրել, տեղական իշխանությունները հայտնել են բերքի կորստի մասին: Որոշ գյուղատնտեսական հողերում բերքը, գրեթե ամբողջությամբ ոչնչացվել է՝ մինչև 100%: Այլ տարածքներում կորուստները գնահատվում են մոտ 40%: Վնասվել են ինչպես հացահատիկային մշակաբույսերը, այնպես էլ կարտոֆիլի մշակաբույսերը:

Զգալի վնաս են կրել նաև Բուզավեթ, Աբուլ և Թախչա գյուղերը: Կուլիկամը, Խուլգումոն և Բավրան համեմատաբար ավելի քիչ վնաս են կրել: Կուլիկամում, մասնավորապես, վնասվել են ճանապարհների որոշակի հատվածներ:

Նախնական գնահատականները ցույց են տալիս, որ աղետը լուրջ ազդեցություն է ունեցել ինչպես համայնքի ենթակառուցվածքների, այնպես էլ գյուղատնտեսության վրա։