Օգոստոսի 27-ին Ախալքալաքի մունիցիպալիտետի  Սակրեբուլոյի նիստի ժամանակ քաղաքապետարանի Ֆինանսական ծառայությունը ներկայացրեց 2026 թվականի բյուջեի առաջին 6 ամիսների կատարողականը։ Ներկայացված տվյալների հիման վրա՝ ամենաթույլ ուղղությունը ենթակառուցվածքների զարգացումն է։

Զեկույցում ներկայացված են բյուջեի կատարման հիմնական ցուցանիշները՝ եկամուտները, վճարումները, բյուջետային հաշվեկշռի փոփոխությունները, պլանային և փաստացի ցուցանիշները, ինչպես նաև տեղեկություններ համայնքային ծրագրերի և ենթածրագրերի իրականացման վերաբերյալ։

«Վեց ամսվա կտրվածքով նախատեսված բյուջեի եկամտային մասը կազմում է 41 216,9 լարի, — իր խոսքը սկսեց ֆինանսական ծառայության ղեկավար Կարեն Մերգելյանը, — որից տեղական բյուջեի մասնաբաժինը կազմում է 33 313 000 լարի։ Պետական բյուջեից և հիմնադրամներից՝ 8 903 900 լարի։ Այսինքն՝ եկամուտների մասով մենք ունենք 55,5% կատարողական, ինչը համապատասխանում է վեց ամսվա ժամանակահատվածին»։

Համաձայն զեկույցի՝ եկամուտների կատարման տոկոսային ցուցանիշները հետևյալն են․ ավելացված արժեքի հարկը՝ 47,2%, գույքահարկը՝ 101,8%, գյուղատնտեսական նշանակության հողերից ստացված եկամուտը՝ 41,0%։

Տեղական բյուջեի մասով կատարողականը կազմում է 31,3%, ռենտային վճարների մասով՝ 55,4%, վարչական վճարների՝ 50,6%, թույլտվությունների համար գանձվող վճարների՝ 50,6%, խաղային բիզնեսից ստացվող եկամուտների՝ 51,2%, աղբահանության վճարների՝ 33,3%, տուգանքների՝ 84,1%։

Ոչ ֆինանսական ակտիվներից ստացված մուտքերի կատարողականը կազմում է 15,1%։

Ծախսերի մասով բյուջեի կատարողականը կազմում է մոտ 50%։

Կատարողականի պատկերը հետևյալն է․

• կառավարման և ընդհանուր նշանակության ծախսեր՝ 39,9%,
• ենթակառուցվածքների զարգացում՝ 15,1%,
• շրջակա միջավայր և մաքրություն՝ 49,6%,
• կրթություն՝ 36,7%,
• մշակույթ, երիտասարդություն և սպորտ՝ 45,4%,
• առողջապահություն և սոցիալական պաշտպանություն՝ 57,0%։

Համայնքային հիմնարկների բյուջեի կատարման մասով ցուցանիշները հետևյալն են․

• Մանկապարտեզների միավորում՝ 40%,
• Հանրային դպրոցների ֆինանսավորում՝ 23,8%,
• Մարզադպրոցի ֆինանսավորում՝ 58,2%,
• Շախմատի դպրոց՝ 45,8%,
• Սպորտային համալիր՝ 48,7%,
• Քաղաքային լողավազան՝ 57,5%,
• Գրադարանների միավորում՝ 22,4%,
• Ակումբների միավորում՝ 42,3%,
• Երաժշտական դպրոց՝ 49,7%,
• Արվեստի դպրոց՝ 49,1%,
• Ազգագրական թանգարան՝ 49,1%,
• Աշուղական դպրոց՝ 46,1%,
• Ապագայի տուն՝ 43,3%,
• Տեղեկատվական ծրագիր՝ 23,9%։

Զեկույցում անդրադարձ է կատարվել նաև առողջապահության և սոցիալական պաշտպանության ոլորտներում բյուջեի կատարմանը։

• սոցիալական պաշտպանություն՝ 59,7%,
• վիրահատությունների և հիվանդությունների հետ կապված ծախսերի փոխհատուցում՝ 62,3%,
• նորածիններին տրամադրվող ֆինանսական օգնություն՝ 44,4%,
• միանգամյա օգնության տրամադրում՝ 63,9%,
• բնակարանային պայմանների բարելավման նպատակով ֆինանսական օգնություն՝ 86,3%,
• բազմազավակ ընտանիքներին տրամադրվող օգնություն՝ 55,4%,
• դեղորայքի ձեռքբերման համար ֆինանսական օգնություն՝ 46,3%։

Պատգամավորների կողմից հարց հնչեց այն մասին, թե ինչով է պայմանավորված ենթակառուցվածքային ծրագրերի բյուջեի կատարման ցածր տոկոսը։ Կարեն Մերգելյանը պատասխանեց, որ ցուցանիշը ցածր է այն պատճառով, որ ծրագրերի մի մասն իրականացվել է ուշացումով, ինչպես նաև այն պատճառով, որ որոշ աշխատանքներ դեռևս ընթացքի մեջ են։ Սակրեբուլոն բյուջեի կատարումը գնահատեց բավարար։

Ընդհանուր առմամբ, համայնքի բյուջեն կատարվում է բավարար մակարդակով։ Եկամուտները կայուն են մուտքագրվում, իսկ սոցիալական և առողջապահական ծրագրերն իրականացվում են բավական ակտիվորեն։ Հիմնական խնդիրը կապված է ենթակառուցվածքային ծրագրերի հետ․ աշխատանքների մի մասը մեկնարկել է ուշացումով, իսկ որոշ ծրագրեր դեռևս գտնվում են իրականացման փուլում։ Սա կարող է հանգեցնել հիմնական ծախսերի տեղափոխմանը տարվա երկրորդ կես։

Միաժամանակ նկատելի են համայնքային հիմնարկների ֆինանսավորման տեմպերի տարբերություններ․ որոշ ծրագրեր իրականացվում են ակտիվորեն, մինչդեռ մյուսները դեռևս զգալիորեն հետ են մնում։