Այսօր՝ հուլիսի 25-ին, Ախալքալաքի մունիցիպալիտետի Թախչա գյուղը նշեց Գյուղի օրը։ Այս տարի Թախչան դարձավ 191 տարեկան։
Չնայած գյուղում ներկայումս մշտապես բնակվում են ընդամենը մի քանի ընտանիք, տոնակատարությանը ներկա էին տարբեր երկրներից՝ Ռուսաստանից, Հայաստանից և այլ երկրներից եկած Թախչայի բնիկներ և նրանց ժառանգները։ Հրավիրվածների թվում էին Ախալքալաքի քաղաքապետ Մելքոն Մակարյանը, Սակրեբուլոյի նախագահ Ռուբեն Պալյանը, պատգամավորներ և այլք։
Տոնակատարությունը սկսվեց գյուղի մուտքի մոտ գտնվող հատուկ կառուցված դահլիճում։ 191-ամյակի պատվին բեմ էր տեղադրվել և կազմակերպվել էր տոնական համերգային ծրագիր։ Հյուրերի համար ելույթ ունեցան հրավիրված արտիստներ Գուրգեն Դաբաղյանը, Գրիգորի Եսայանը և Արտաշ Ասատրյանը։ Ելույթներով հանդես եկան նաև տեղական «Ջավախք» և «Վաչիան» պարային խմբերը։ Իսկ հարևան Ասպինձայի մունիցիպալիտետից ժամանել էր «Իբերիա» անսամբլը, որը նույնպես մասնակցեց տոնական համերգին։
Ամենափոքրիկ հյուրերի համար կազմակերպվել էր ժամանցային ծրագիր, այդ թվում՝ բատուտներ, ջրային փուչիկներ, արջերի նման հագնված զվարճացնողներ և այլ մանկական ատրակցիոններ։
Փառատոնի հատուկ հյուրն էր 80-ամյա լարախաղաց Վլադիմիր Հակոբյանը, որը ցուցադրեց իր հմտությունները և հիացրեց հանդիսատեսին՝ պարգևելով վառ էմոցիաներ։
Համերգից հետո տոնակատարությունը շարունակվեց դահլիճում, որտեղ առատ գցված տոնական սեղաններ էին սպասում գյուղի բնակիչներին և հյուրերին։
Տոնակատարությունը միավորեց տարբեր սերունդների գյուղացիներին և ծառայեց որպես ևս մեկ ապացույց այն բանի, որ տարիների և հեռավորություններին չնայած՝ Թախչայի բնակիչները գնահատում են իրենց կապն իրենց փոքրիկ հայրենիքի և նրա ավանդույթների հետ։
