Ախալքալաքում վերսկսվել է «Խաս Բախչա» կենտրոնական զբոսայգու դիմաց գտնվող նոր մարզադահլիճի շինարարությունը։ Որոշակի ընդմիջումից հետո կապալառուն վերսկսել է աշխատանքները։ Ներկայումս աշխատում են շենքի հիմքի և զրոյական հարկի վրա։

Նախագիծն իրականացնում է «EMK Group» ՍՊԸ-ն։

Նախագծային փաստաթղթերի համաձայն, աշխատանքները պետք է սկսվեին ապրիլի 15-ին, սակայն դրանք իրականում վերսկսվել են մոտ երկու շաբաթ առաջ։ Այժմ շինարարներն աշխատանքները կատարում են զրոյական հարկում՝ ամրացնում են հիմքը և ջրամեկուսացման համար սյուները ծածկում են բիտումով։

Շինարարության վրա աշխատում են ինը շինարար՝ Սուլդա գյուղից։ Նրանց խոսքով, շինարարությունն ընթանում է ըստ ժամանակացույցի, և առաջացող բոլոր խնդիրներն ընկերության ղեկավարության կողմից անհապաղ լուծվում են։

Մարզադահլիճի շինարարության ընդհանուր արժեքը կազմում է 1,229,315 լարի: Նախագիծը սկսվել է անցյալ ամռանը: Կապալառուն «EMK Group» ՍՊԸ-ն է:

Նախագիծը նախատեսված է երկու տարվա համար: Պայմանագրի համաձայն, 2025 թվականին շինարարության վրա պետք է ծախսվեր 613,002 լարի, իսկ 2026 թվականին՝ ապրիլի 15-ից սկսած, նախատեսվում է ևս ծախսել 711,003 լարի՝ 150 օրվա ընթացքում:

Շինարարական աշխատանքները սկսվել են 2025 թվականի ամռանը: Կապալառուն քանդել է հին շենքը և իրականացրել հողային աշխատանքներ: Սակայն, նախագծային փաստաթղթերի հետ կապված խնդիրների պատճառով, աշխատանքները ժամանակավորապես դադարեցվել էին:

Այն ժամանակ, 2025 թվականի աշնանը, Ախալքալաքի քաղաքապետարանից Jnews-ին հայտնել էին, որ կասեցման պատճառը նախագծային փաստաթղթերի լրացուցիչ փորձաքննության անհրաժեշտությունն է:

Նոր մարզադահլիճի կառուցման ընթացքում խնդիրներ են առաջացել

Ախալքալաքում սկսվում է երկհարկանի մարզադահլիճի շինարարությունը