Առավոտից Jnews-ը երեկ տեղացած կարկուտի հետևանքներով լուսանկարներ է ստանում: Մեր տվյալների համաձայն, ամենաշատ տուժել են Վաչիանի մայրուղու մոտակայքում գտնվող գյուղերը. Մուրջախեթ, Չամդուրա:
Մուրջախեթում բնակիչները վնասի չափը գնահատում են 90%:
Ծառերի պտուղները թափվեցին, դեռ հասնել չհասցրած:
Գետնին հավասարվեցին բանջարեղենը, հացահատիկայինները, կարտոֆիլի ցողունները:
Կարկուտը խփել է նաև թռչուններին: Մուրջախեթում բնակիչները հայտնաբերել են մի քանի մահացած թռչուններ:
Առավոտից գյուղի բնակիչները շփոթության մեջ են, չգիտեն, թե ում դիմեն օգնության համար:
Նրանց հետաքրքրում է, թե արդյոք վնասը փոխհատուցվելու է, թե՝ ոչ:
Տեղական իշխանությունների ներկայացուցիչները այսօր ստուգում են տուժած գյուղերը և տարածքները: Արդյոք վնասները կփոխհատուցվեն և ինչ չափերի փոխհատուցում կլինի մենք կտեղեկացնենք ավելի ուշ:
