Նախագահ Սալոմե Զուրաբիշվիլին չի հասկացել Վրաստանի զինված ուժերի և Լուգարի լաբորատորիայի ֆինանսավորումը դադարեցնելու ԱՄՆ որոշումը։ Նա հասկանում է Վաշինգտոնի արձագանքը «Երազանքի» քայլերին և սպասելի է համարում ԱՄՆ-ի «խիստ և հստակ» հայտարարությունները։Բայց պաշտպանության ոլորտի և Հիվանդությունների վերահսկման կենտրոնի ֆինանսավորման մասին որոշումը Զուրաբիշվիլիի մոտ «տարակուսանք է առաջացրել»: Նա ընդգծել է, որ «բանակին ձեռք տալ չի կարելի»։
«Ես զարմացած չեմ Ամերիկայի արձագանքից այս հայտարարություններին (Վրացական երազանքի հակաարևմտյան հայտարարությունները, ԱՄՆ-ի մասնակցությամբ հեղաշրջման մեղադրանքները – խմբ.): Ինչպե՞ս կարող էր այլ կերպ լինել, երբ ավելի քան 30 տարի դուք օգնում եք երկրին պետականություն կառուցելու հարցում ոչ միայն ֆինանսապես, այլև ամեն ջանք գործադրում եք ոտքի կանգնելու որպես անկախ, տնտեսապես կայուն պետություն և հանկարծ, անհասկանալի և առանց բացատրության, քեզ թշնամի են ասում, մեղադրում են ինչ-որ բանում, անհասկանալի, չլսված դավադրության տեսություններ են հնչում։
Ինչպե՞ս պետք է արձագանքի Ամերիկան։ Նրանց հստակ ու կոշտ արձագանքը սպասելի էր։ Չգիտեմ՝ իշխանությունները զարմացած են։ Հավանաբար պետք չէ զարմանալ։ Թերևս «կառավարությունը» գիտեր այս մասին գոնե ապրիլի 29-ի Իվանիշվիլիի ելույթից հետո, որը պսակեց «կուսակցության» նախկինում ձեռնարկած բոլոր քայլերը։ Սա արդեն ամբողջական հասկացություն է։
Ամերիկան փոքր երեխա չէ, որի հետ դուք խաղում եք։ Աշխարհի ամենահզոր պետություններից մեկն է, դուք այսպե՞ս եք վերաբերվում և կարծում եք, որ չի՞ արձագանքի։ Ես՝ որպես Վրաստանի նախագահ, ցավում եմ դրա համար։
Ես սա կասեմ սենատոր (Ջին) Շահինին, որը մի քանի օրից ժամանելու է. ես երկու բան չեմ հասկանում, բայց մնացած ամեն ինչ ճիշտ է, մենք պետք է ընդունենք, մենք՝ հասարակությունը, պետք է հասկանանք և շտկենք դա և որքան կարող ենք արագ:
Ես չեմ հասկանում մեր բանակի բյուջեի սահմանափակումները, և եթե դա ճիշտ է, ապա ես չեմ հասկանում Լուգարի լաբորատորիայի ֆինանսավորման սահմանափակումները:
Կան բազմաթիվ ոլորտներ, որտեղ իշխանությունը կարող է և պետք է պատժվի, բայց վրացական բանակը, որի վրա հենվում է մեր պետությունն ու պաշտպանությունը, չի կարող պատժվել, հատկապես, որ այն ամբողջությամբ ստեղծվել է Ամերիկայի կողմից։
Չեմ հասկանում, բայց կհասկանամ: Այն, որ զորավարժությունները հետաձգվում են, հասկանալի է՝ ընտրություններից առաջ, մինչև ամեն ինչ պարզվի, բայց բանակին ձեռք տալ չի կարելի։ Որովհետև մեր բանակը վայելում է բնակչության լիակատար վստահությունը և հանդիսանում է մեր պետության իսկական աջակցությունը»,- ասել է Սալոմե Զուրաբիշվիլին։
Աղբյուրը՝ SovaNews
