Շրջակա միջավայրի և գյուղատնտեսության նախարարության Շրջակա միջավայրի ազգային գործակալության մի խումբ երկրաբաններ գտնվում են Ադիգենիի մունիցիպալիտետում, որտեղ ընթանում է ժամանակավոր կայունացման մեջ գտնվող հին սողանքային մարմնի ակտիվացումը։ Մասնավորապես, Ուդե գյուղում սողանքն այնքան է վնասել բնակիչների տները, որ այնտեղ ապրելն անհնար է։
Այս մասին հայտնում է Շրջակա միջավայրի պահպանության ազգային գործակալությունը։
Սրա վերաբերյալ լրացուցիչ տեղեկությունը կհաղորդվի ավելի ուշ։
«Այս փուլում խմբերը տեղակայված են Սամցխե-Ջավախքի, Գուրիայի և Իմերեթիի շրջաններում, մասնավորապես՝ Ադիգենիի, Բորժոմիի, Խոնիի և Չոխատաուրիի մունիցիպալիտետներում։ Գործակալության մասնագետները կգնահատեն բնակելի և տնամերձ հողամասերը, ինչպես նաև ենթակառուցվածքային օբյեկտները և կտան համապատասխան առաջարկություններ հետագա պաշտպանական և կանխարգելիչ միջոցառումների համար»,- ասվում է Շրջակա միջավայրի պահպանության ազգային գործակալության հաղորդագրության մեջ։
Բացի այդ, սողանքային գործընթացների ակտիվացման մասին տեղեկություն է տարածվել Ադիգենի քաղաքապետարանի կողմից։
«Ադիգենիի մունիցիպալիտետի Ուդե գյուղում սողանքային գործընթացն ակտիվացել է հորդառատ տեղումների հետեւանքով։ Ադիգենիի քաղաքապետարանի համապատասխան ծառայությունները տեղում ուսումնասիրել են ստեղծված իրավիճակը։ Տեղեկությունը փոխանցվել է Շրջակա միջավայրի պահպանության ազգային գործակալությանը»,- ասվում է Ադիգենի մունիցիպալիտետի քաղաքապետարանի տեղեկատվության մեջ։
Քաղաքապետարանից պարզաբանում են, որ սողանքային գոտում ապրող բնակիչներին առաջարկվել է այլընտրանքային ժամանակավոր կացարան։