---

2024 թվականի փետրվարի 5-ին Վրաստանի գյուղատնտեսության նախարարությունը, Գյուղատնտեսության զարգացման միջազգային հիմնադրամի աջակցությամբ, կհայտարարի մրցույթ մի շարք շրջանների, այդ թվում՝ Սամցխե-Ջավախքի ֆերմերների և երիտասարդության ֆինանսավորման համար։

Պետական ծրագրի նպատակն է արդիականացնել կաթնամթերքի արդյունաբերությունը և գյուղական վայրերում տնտեսական զարգացման շուկաների հասանելիությունը, նպաստելով մրցունակ, դիվերսիֆիկացված և կայուն կաթնամթերքի արդյունաբերության ձևավորմանը: Նպաստել նաև փոքր կաթնամթերք արտադրողների կայունությանը և ճկունությանը:

Ծրագիրը ֆինանսավորում է գործունեությունը մի քանի ոլորտներում.

Առաջնային կաթի արտադրություն՝ համաֆինանսավորում ֆերմայի կառուցման և բարեկարգման համար: Կաթի հավաքման կետ, հատուկ սարքավորումների, մեքենաների և գործող շենքերի արդիականացման/վերանորոգման համաֆինանսավորում: Սննդի անվտանգության միջազգային ստանդարտի/համակարգի ներդրում: Ամառային արոտավայրերում կաթի հավաքման կետի համաֆինանսավորում, տեխնիկա և արդիականացում/վերանորոգում: Կաթնամթերքի վերամշակման գործարան (ոչ մեծ չափի);

Անասնաբուժություն և արհեստական բեղմնավորում՝ անասնաբուժական գործունեության և արհեստական բեղմնավորման համար անհրաժեշտ գույքի և սարքավորումների գնում.

Այլընտրանքային զբաղմունք երիտասարդների համար (18-35 տարեկան տղամարդիկ և 18-40 տարեկան կանայք ներառյալ, համապատասխան մունիցիպալ կրթության տեղաբնակները)՝ 100 քմ-ից ոչ ավելի մակերեսով ջերմոցի համաֆինանսավորում։

Մրցույթին կարող են մասնակցել Վրաստանի քաղաքացիները և կոոպերատիվները։

Համաֆինանսավորման մասնաբաժինը նույնպես տարբեր է տարբեր դեպքերում.

Երիտասարդների համար «կաթ արտադրող» կատեգորիայում համաֆինանսավորումը կազմում է 75%, բայց ոչ ավելի, քան 40,000 լարի, այլ շահառուների համար՝ 65%, (բայց ոչ ավելի, քան 40,000 լարի):

Արհեստական բեղմնավորման և անասնաբուժական ծառայությունների ծրագրում ցանկացած կատեգորիայի համաֆինանսավորումը կազմում է 70% (բայց ոչ ավելի, քան 25,000 լարի):

«Կաթի վերամշակում» կատեգորիայում համաֆինանսավորումը կազմում է 50%, բայց ոչ ավելի, քան 80,000 լարի:

«Կաթի հավաքման կետ»՝ համաֆինանսավորումը 60% է, բայց ոչ ավելի, քան 108,000 լարի:

Ամառային արոտավայրերից կաթի հավաքման կետի դեպքում` 70%, բայց ոչ ավելի, քան 28000 լարի:

կաթնամթերքի վերամշակում (Ոչ մեծ չափի)՝ 70% (բայց ոչ ավելի, քան 31,000 լարի)

Այլընտրանքային գործունեություն կանանց համար՝ 90%, տղամարդկանց համար՝ 80% (բայց ոչ ավելի, քան 8000 լարի)

Կաթի արտադրություն կանանց համար 90% (բայց ոչ ավելի, քան 20,000 լարի) տղամարդկանց համար 80% (բայց ոչ ավելի, քան 20,000 լարի)

Հավելյալ տեղեկությունների համար կարող եք դիմել Վրաստանի գյուղատնտեսության նախարարության Ախալքալաքի տեղեկա-խորհրդատվական կենտրոն:

Հայտադիմումը կարող եք ուղարկել հետևյալ հղումով my.mepa.gov.ge