2024 թվականին սոցիալապես անապահով, միասնական սոցիալական տվյալների բազայում 150 հազարից ցածր վարկանիշային միավոր ունեցող տնային տնտեսությունների կողմից սպառվող էլեկտրաէներգիայի սուբսիդավորումը կշարունակվի։ Սակայն ջավախքցի անապահով ընտանիքներին դա չի վերաբերում, քանի որ նրանք օգտվում են այլ` բարձրալեռնային սուբսիդավորմամբ։
Վրաստանի կառավարության վարչակազմի տվյալներով՝ սոցիալապես անապահով ընտանիքների համար էլեկտրաէներգիայի սուբսիդավորման հարցը քննարկվել է Վրաստանի վարչապետ Իրակլի Ղարիբաշվիլիի գլխավորությամբ կառավարությունում տեղի ունեցած տնտեսական խորհրդի նիստում։
Ինչպես հանդիպմանը նշել է հարկադիր վերաբնակների, աշխատանքի, առողջապահության և սոցիալական պաշտպանության նախարար Զուրաբ Ազարաշվիլին, չնայած այն հանգամանքին, որ 2023 թվականի վերջին, Սեմեկի որոշմամբ, կենցաղային սպառողների համար էլեկտրաէներգիայի սակագինը իջեցվել է երեք թեթրիով, Սոցիալապես անապահով ընտանիքների համար սուբսիդավորումը մնում է ուժի մեջ:
Նախարարի խոսքով՝ 2024 թվականի ընթացքում սոցիալապես անապահով ընտանիքներին կֆինանսավորվի մինչև 12,5 տերաբայթ սպառված էլեկտրաէներգիան՝ ըստ վարկանիշային միավորների։ Այս նպաստից կօգտվի շուրջ 250 հազար ընտանիք։
Այնուամենայնիվ, սուբսիդիան չի տարածվում այն բաժանորդների վրա, ովքեր օգտվում են «Բարձրալեռ բնակավայրերի բաժանորդների կողմից սպառված էլեկտրաէներգիայի ամսավճարի փոխհատուցման մասին» արտոնություններից, և քանի որ Ջավախքում հիմնականում բոլոր բաժանորդներն օգտվում են այդ արտոնությունից, ապա վերջիններս սուբսիդավորման նոր ծրագրում չեն ներառվի:
